السلام عليكم ورحمة الله وبركاته
حبيباتي الدبدوبات المليحات الجميلات الرائعات
أوجه كلامي هذا وأنا في كامل قواي العقليه وصحتي النفسيه والصفاء الذهني ..لذلك لن يكون كلاما سطر في لحظة حماس و لن يكون كلام مبالغ .. بل الحقيقة ولا شئ غير الحقيقة ...
كلامي خاص لكل وحده نفسها تنزل وزنها ولكن تخذلها وتنقصها العزيمه والإراده واللي هي بدورها أصعب من إحساس السمنه نفسه ..
راح أسرد لكم الكلام ببساطه
أخواتي أنا لحد قبل شهر تقريبا أو اقل كنت في قمممممة إحباطي ويأسي من وزني وأنا للأسف من النوع اللي إذا خرب جسمي يخرب كل شي معاه يعني أسير لامباليه لا بشعري ولا بشرتي ولا أناقتي مافي إلا بجايم واسعه وملابس فضفاضه حتى ما أنصدم بالواقع يعني بإختصار كنت أهرب من مواجهة نفسي لأني راح أتعب ولما أتعب راح آكل زياده ولما آكل زياده انتفخ زياده ولما أنتفخ زياده أتعب اكثر وبالتالي ألجأ للأكل ......... ملاحظين ؟؟؟؟ دائره مغلقه
في ذات صباح أتصلت عليا أختي اللي أكبر مني فديتها وفديت قلبها:27: ... وجرى معاها هذا الحوار الشيق خخخخخخ
راح أسميها الليدي ..
الليدي ..أهلين خيتو كيفك أخبارك؟؟
أنا وبصوت واطي ومحبط كنت منسدحه على كنبتي في الصاله ومعايا الريموت وعندي اللاب توب وعلى الطاوله قراطيس الشوكلاتات : هلا أختي ماشي الحال
الليدي : لاه لاه لاه ليش كذا في شي؟؟ زعلانه ؟؟ متضايقه؟؟
أنا: لا عادي مافي شي ..كيفك كيف بناتك ؟
الليدي: مبسوطين راحوا المدارس والحين جهزت غدانا وبروح أنام شويا لحد مايرجعون
أنا :........................... صمت (وهذه عادتي لما أحبط أتقوقع وأصمت )
الليدي: ليش ساكته ؟؟
انا: أتجرأت وقلت ... ولاشي محبطه من جسمي ..ماني طايقه شي
الليدي : حبيبتي أختي لا تزعلين نفسك الحمد لله إنتي بصحه وعافيه وبعدين إنتي عارفه إن جسمك منفوخ من لخبطة الهرمونات ... أختي يا عيوني إنتي بقلك نصيحه تسمعينها؟؟
أنا: قولي (وبدت الدموع تتجمع في عيوني ههههههه)
الليدي: شوفي أولا لا تقسين على نفسك ولا تحطمينها لازم تكوني رحيمه مع نفسك ترى جسمك إذا حس بإنك في خصام وعدم رضى منه راح يعاند وساعتها ماراح تنزلي ولا ربع كيلو
ثانيا : هذه الفترة لاتركزي على جسمك خليه على جنب شويا ....أبدأي غيري شي في شكلك قصي أصبغي أشتري ملابس بيت جديده الوانها حلوووه بشرط تكون ماسكه مو واسعه صدقيني ساعتها راح تحبين نفسك وبعدها بتقدري تتفاهمي معاها وبالتدريج وزنك راح ينزل ( ثقي في كلامي )
أنا : اممم خير إن شاء الله
الليدي : لا أوعديني وعد عشان خاطري :27:
أنا : ولا يهمك
بعدها قعدنا نسولف وتحاول تغير لي جو وأرسلت لي صور صبغات وقصات شعر وممثلات تقلي شوفي هذه تشبهك هههههههه وأنا أقولها صح بعد ما أنزل 30 كيلو ههههههههههه ...
بصراحه حسيت إني أرتحت لما كلمتها وحطيت في بالي الكلام اللي وصتني فيه وقلت أجرب إيش بخسر..
المهم بعدها بكم يوم صحيت من النوم رتبت البيت طبخت كل شي تمام رحت أتروش طلعت فكرت أسشور شعري ليا زمااااااااااااان ماسشورته ..خلصت استشوار أتفاجئت بشعري طالع يجنن ماشاء الله وطولان ماكنت عارفه إنه طول كذا...:44:
كثييييييييير فرحت (وكانت أول خطوة لإني أحب نفسي):)
لاشعوريا حطت ميك آب خفيف طلع كمان حلووو
رحت أنبش في ملابسي لقيت لبس بيت جديد ماقيد لبسته ألوانه حلوووه وماسك على الجسم لبسته وفي النهايه طلع شكلي كله على بعضه في قمة الروعه ..
يا بنات حسيت بسلام داخلي وهدوء .. قعدت طول اليوم وأنا مبسوطه بالذات زوجي حسيت في عيونه الإنبهار والفرح..
قعدت أفكر ... إما رشاقة وسعاده وصحه ورضى تام عن نفسي وإما راح أسلم نفسي للسمنه والأمراض وأنا لسا صغيره والنفسيه التعبانه ..أنا لازم أختار وأقرر كيف أعيش باقي حياتي (بعد مشيئة الله طبعا )
آخر الليل كنت أتصفح في حوا قسم السمنه والنحافه .. والله وفقني في أحلى موضوعين وهما السبب بعد الله ثم أختي الليدي في بث شعلة الحماس في نفسي واللي كنت مفتقدتها من سنواااات ..راح أحط روابطها نهاية الموضوع
الأول للأخت (اسم عتيج) ذكرت فيه نصائح رائعه وتجربتها في التخسيس...والثاني للأخت (أم عتريسه) نظام غذائي ونصائح رائعه..<<<
قمت قبل الفجر صليت ودعيت الله يعينني يوفقني ويثبتني ...وبعد كم يوم قرأت عدة أنواع ريجيم وقررت أتبع نظام أم عتريسه ..
وبدأت فيه يوم الجمعه الماضي6/5/2011
وزني كان 85
بعد 10 أيام نزل وزني لل 82:icon28::icon28::icon28: زغروطه عن كل كيلو ههههههه
أول 3 أيام كانت صداع وتعب بسيط بعدها بدأت أحس بالخفه والراحه والسعاده سرت نشيطه وسعيده وإيجابيه سرت أحس إني محترمه نفسي مو مغرقتها في الأكل والجنك فوود والشوكلاتات والخرابيط اللي تدمر الصحه ..كنت أخاف إني راح أحس بالجوع وأضعف لكن اللي سار العكس الحمد لله سرت كل ماأحس بالجوع أنبسط وأروح أشرب مويا وخلاص أحس بشبع ..بدأت بشرتي تستعيد نضارتها ولمعتها بدأت مع نزول وزني أهتم بلبسي وشعري وبيتي وكل شي ..بديت أستعيد السيطره على نفسي بعد ماكنت فقدتها وتركت الأمور في ضياع وسلبيه ..أنا الآن على الطريق الصحيح الحمد لله أسأل الله أن يثبتني ويقوي عزيمتكم ويمتعنا بالصحه والعافيه اللتي لاتقدر بثمن
أولا وأخيرا الحمد لله الحمد لله الحمد لله ...أشكر في المقام الثاني أختي الليدي على دعمها واهتمامها
أخواتي إنه ليس بالشئ المستحيل ولا بالصعب توكلوا على الله وإبدأو من غدا بهمه عاليه وعزيمه فولاذيه ..صدوقني بمجرد ماتشوفون النتايج الأولى للتخسيس راح ترتفع معنوياتكم وتشعروا بعزيمه أكبررر..
الروابط
http://forum.hawaaworld.com/showthread.php?t=2895577
الرابط الثاني
http://forum.hawaaworld.com/showthread.php?t=953249
قبل الرحيل @kbl_alrhyl
محررة برونزية
ماعندك عزيمه ولا إراده للتخسيس ؟؟؟؟ حواري مع الليدي....تفضلوا يا بطاااااااااات
54
32K
يلزم عليك تسجيل الدخول أولًا لكتابة تعليق.
حب حياتي عزوز
•
ماشاء الله والف مبروك النزول وعقبال المثالي يارب
سوزي2010
•
الله يرزقك ما تتمنين ويخليلك زوجك واولادك ويجعلك اجمل نساء الدنيا في عيونه
ما تصدقين كيف اثر عليه موضوعك الله يطرح في رجيمك البركه امين امين امين
ما تصدقين كيف اثر عليه موضوعك الله يطرح في رجيمك البركه امين امين امين
MS-Dll3
•
الله ينحفك وينحفنا من غير شر ياارب
موضوعك حلو وصراحتك احلى
اهم شي بكل خطوه تسوينها الاراده ثم الاراده موضوعك جااء بوقته
انا لي اسبوعين مسويه ريجيم نقصت 3 كيلو ومبسوطه فيهم كثير شي احسن من ولا شي
عقبال ياارب ماتنزلين تجربتك في انقااص اكثر واكثر
تحيااتي
موضوعك حلو وصراحتك احلى
اهم شي بكل خطوه تسوينها الاراده ثم الاراده موضوعك جااء بوقته
انا لي اسبوعين مسويه ريجيم نقصت 3 كيلو ومبسوطه فيهم كثير شي احسن من ولا شي
عقبال ياارب ماتنزلين تجربتك في انقااص اكثر واكثر
تحيااتي
الصفحة الأخيرة