ماعندك وقت للعنايه ببشرتك .. وتبين النضاره والنعومه ..كل شي طبيعي وبوقت قصير تعالي بس

بسم الله الرحمن الرحيم

السلام عليكم ورحمه الله وبركاته

كيف الجميع ان شاءالله بخير



اليوم جايبه لكم خلطات طبيعيه تستخدمينها بوقت قصير والنتيجه باذن الله مضمونه
طبعا انتم عارفين بدت العطله وصيف وحر وزواجات ومناسبات وسفرات عسى الله مايكدر الخواطر
ومافيه وقت للعنايه يوميا او حتى لوقت طويل


الوجه :

عندك زبادي منهي تاريخه >> فايته مدته جيبيه وحطيه على وجهك واذا نشف امسحيه بقطنه مبلله

او

خميره فوريه >> حقت العجين جيبي :ملعقه خميره +ملعقه ماء+ملعقه زبادي
خليها على بشرتك لحد ماتنشف وغسليها

او

طماطم ناضجه (اقطعيها من النص وطلعي عصيرها واللب حقها )+شوي زبادي
طبعا الكميه على حسب الطماطم صغيره ولا كبيره خلي الزبادي نفس كميه الطماطم
خليها على وجهك ربع ساعه وغسليها


طبعا هالوصفات كلها تحطينها على وجهك قبل ماتحطين المكياج بساعه او ساعتين او قبل ما تاخذين شور للمناسبه حقتك
تخلي البشره نضره وتلمع حتى من بعد ماتحطين عليها المكياج




الجسم :

جلسوليد كبير

+
كوب ليمون اصفر

+
ملعقتين قهوه (قهوه عربيه حقت البيت خوذي منها ملعقتين )


تخلطينهم وتحطينهم بعلبه في الثلاجه , وتستخدمينهم بعد الاستحمام زي المقشر تدهنين فيهم بشرتك وتخلينهم ربع ساعه او نص ساعه اذا تقدرين بعدها تبللين جسمك بماء وتبدين تفركين بملح الحليب من يوكو وتغسلين بماء
طبعا بعد ماتغسلين النعومه والنضاره وبشرتك تصير تلق من اول استخدام حتى ماتحتاجين تستخدمين اللوشن من النعومه

تنويه:هذي الخلطه اخذتها من المنتدى هنا قبل 6 شهور كذا بس منهي صاحبه الخلطه والله ما اعلم لاني كتبت الخلطه بورقه ونسيت منهي صاحبتها بس الله يوفقها دنيا واخره ويفرج لها كل هم





وبس :smile:



بس بنات طالبتكم اللي تستفيد تكتب تجربتها وتدعي لي ان الله يوفقني ويرزقني ويفرج همي