ماعندي اصدقاء

السلام عليكم ......... تحياتي للكل

هذي مشكلتي اني ما عندي اصدقاء ........ حاولت باكثر من طريقة اني اكون صداقات جديدة مع بنات احبهم واعزهم بس ما لقيت التجاوب

يعني تعطيني وحدة رقم تلفونها وتقول لي اتصلي فيني وانا فعلا اقوم اتصل فيها بين فترة وفترة واتكلم معاها اكثر من ساعة ونسولف ونضحك ونتغشمر ..... وانتظر انها ترجع تتصل فيني بس ما تتصل . الا في حالة وحدة انها تكون محتاجة مني خدمة واذا ما لقت حاجتها عندي ما تتصل بالشهور ....... واذا التقيت فيها في مناسبة معينة تقول لي خلي بيننا اتصال وارجع اتصل فيها ونفس المشكلة تتكرر .

وطبعا هذي المشكلة مع ناس وايد اعرفهم ، ومو قادرة القى الحل . ماادري اذا كان العيب فيني انا او فيهم .

معظمهم يتصلون فيني اذا كانوا محتاجين خدمة مني واذا ما يبون مني شي لا يتصلون ولا يسالون .