ماعندي اكل في البيت و استحي اطلب من زوجي :(

السلام عليكم و رحمة الله وبركاته ..
كيفكم بنات
اعرفكم و تعرفوني .. انا مو جديده بس مدري وش هاللي ما يعرفون السنع ما لقوا الا انا اللي زي النسمه يبلكون معرفي !!!
بس يالله خيييييييييييره و الله ما زعلت بالعكس افتكيت من المعرف و ليت يتحذف و تنحذف المواضيع و الردود معاه ..
و الحين ابغى اعيش بهدووووء بعيد عن مشاكل المنتدى
بس عاد مقدر استغنى عن الجميلات اللي ينصحون و عندهم تشجيع و سنع في الردود
مو تحطيم و تزويد الأدميه هم على همها ..


المهم يا حبيباتي انا مشكلتي ما اقدر اطالب حتى بحقوقي :( مو ضعف انما خجل و استحياء
يا الله يالله بدأت بزوجي اشوي اشوي لأن بالذات الزوج لا تعود خلاااص بدمر حياتي ..


ما عندي في البيت غير رز و دقيق .. و اندومي و مكرووونه >>> الحمدلله لقيت وش أطبخ للغدا كنت ناسيه المكرونه 😍
حامل و مو اي شي الواحد يتحمله ..
الدجاج الله يكرم النعمه تعببببببت و انا كل يوم و الثاني اقعد اشيل الجلد منه و اقطع فيه و المصيبه زوجي ما يتقبله الا بالفرن مع البطاطس !!!!!
اسوي بروست او غيره ما ياكل !!
و انا كل دقيقه و الثانيه حاطه رز ابيض في القدر و مسويته لنفسي لأن هو ما ياكله ابيض ..
و لو يبغى ملون عنده مطعمه يروح ياكل براحته
تشجعت و طلبت لحم مفروم .. صار لي شهر ونص و انا اطالبه بهاللحم بشتى الطرق
مرات اوريه صور للمأكولات اللي يدخل فيها اللحم المفروم و مرات اقوله .. و مره وريته مقطع لفوزيه و هي طارده ابو بدر لأنه ما جاب لها اللي تتوحم عليه و كانت الحاره محاصره .. قلت له لو اقولها صار لي شهر و نص و ما جاب لي ..
و ياااما وريته صور صورتها ببيت اهلي للمحاشي و الكباب
نفسي بالمنتووووو *__* بس هنا مافي لحم غنم بالقوووه يلاقيه
لو كان حريص كان اخذ رقم القصاب و قاله اذا حصلت اتصل علي
و لو حريص كان جاب لي من المناطق القريبه منا كل يوم و الثاني رايح جاي . يعني ما يقدر يدور هناك ؟؟
و تشديد و معاير ما اقدر .. صعععبه ..
مره ذبح ذبيحه لأهلي و كان صاير لي شهرين زواج و انا ما ذقت طعم اللحم
و جالسه و اقسم في اللحم و هذا بسوي فيه كذا و هذا كذا
لكن ما تهنيت عرفت اني حامل و اول شي كرهته اللحم !!!!
اعطيته اللحم و باعه في المطعم ..
و الحين مشتهيه منتووو و مالي في الجاهز مع انه عرض علي جاهز ..
بس ما اضمن المطاعم في المنتو .. و اصلا من بداية الحمل و انا قرفانه من اكل المطاعم مو النظافه انما الطعم... ابغى اسويه بيدي و ابغى اسوي محاشي ..
و اهلي مو عندي .. هنا لوحدي ..
للعلم هو مو بخيل .. اللي يخليه يدخل البقاله و يجيب انواع الشوكلاتات و لا يفكر في اسعارها و يجيب انواع العصاير لا يمكن يكون بخييل
بس ما احب و لاني مشتهيه هالجلكسيات و هالشغلات الحين :(
بس تعبت و انا اكل في هالنواشف
المشكله اطلبه سبانخ او غيره يجيب حق حي كامل و لا ياكل معايا الا اشوووويه و يقولي ما احب هالأكلات !!!!!!!!!
طيب و الباقي ؟؟؟؟؟؟؟؟؟ :(
بس ياكل اندومي و يحط عليه لبن و اقعد انا انوع له و اسوي له خبز هندي او جباتي باكستاني او خبز عربي
او سمبوسه بالجبن .. بس و الله تعببببت و انا انوع له من راسي بهالأشياء المحدوده
و الله كل يوم يتصل ايش في اكل !!!!!! في اندومي 😠
مع اني منبهته عن مخاطر الاندومي
يترك اكل المطعم و يجيني ياكل هاللي اسويه له !!!!
لا و يرمي التهم علي ان انا ما عملت له اكل *__*
تعبت من كثر ما اعطيه الكلمه بعشره و لا يفهم
يااااا الله جوعااانه و مو جايني نوم ..
حتى المعمول اللي اسد فيه جوعي مخلص له يومين و لاني قادره اطلبه
و التفاح اللي حبه حبه اكله في اليوم صار له كم يوم مخلص
لله المشتكى من هالحمال :(
و هالطبع اللي فيني ..
يا ربي بس اروح عند اهلي و الله لأرسله صورة منتو حبات كبيره كبيره كل حبه قد الصحن 😭


فضفضه صباحيه .. مع اني عارفه بتغلطوني انا اني ما اطالب بس خلاص هذا انا طلبت اللحم و مو محصلته
ما اقدر كل يوم اقوله لله يا محسنين و هو ما يعبرني


الله يهديه :(