الانسان لابد يحب نفسه كما خلقه الله فاحسن خلقه..تاكدي أن خلقتك جميلة طولك ووزنك وملامحك واللي ناقصك فقط الان انو تجملي تفكيرك وتنحل المشكلة لابد من الثقة بالنفس تى تقدري تعيشي بين الناس وتوقفين المستهزئين عند حدهم..وخففي من التركيز على هذا الامر لانه مو مشكلتك بصراحة هذي مشكلة نظرة الناس وتعليقاتهم المخجلة هم اللي المفروض يستحون مو انتي..كوني واثقة واحمدي الله على نعمه ولا تقتصر نظرتك لنفسك على نظرة الناس لك صدقيني لما تحبين نفسك وشكلك وترضين بجمال خلقك ماعاد تهتمين لأحد..كلام الناس مردود عليهم يدخلون قبورهم بأستهزائهم وتأخذين انتي الحسنات...

حسبي الله على كل من يجرح مسلم ومسلمه بدون سبب هاذي خلقه الله مالك ذنب فيها ماذبحنا الا التعاير واللبز بالالقاب

حبيبتي الغاليه جسمك لك وحدك وجزءمنه لزوجك
واذاكان زوجك مقتنع فيك ولا يعيب على طولك اذن انتي حاليا بأمان نفسيا
نجي للجماعه اليماعندهم الا الطناز ..... ترى صدقيني هم يعيرونك لانك مهزوزه وهم حاسين هالشئ
ومستمتعين فيه يعني مثلا لو انك سمره او دبه او شعرك خفيف جدا بعد بيتطنزون لانك مهزوزه
يعني مو السالفه طول لا السالفه لاقيين احد يرد عليهم ويحسسهم بالمتعه اذا ضغطوه.
اجلسي قدام المرايه وتمتعي بملامحك الحلوه وجمال جسمك وقولي الحمد لله الي خلقني واحسن
صورتي وتأكدي ان الله خلقك قصيره لحكمه هو يعلمها واكيد معوضك بشئ مو عند غيرك
وقولي انا اهبل وناعمه وانيقه اقنعي نفسي من الداخل ساعتها بتقدري تواجهي الكل.
اذا تقوت شخصيتك .......اذا عيروك الكبار قولي خلقة ربي تقول بخلقته شئ ؟؟؟؟ وحطي عينك
بعين المتحدث وقولي الحمدالله والشكر الي خلقني واحن صورتي.بكل قوه وثقه.
واذا الصغار قالوا ها خاله ويجيك يوقف جنبك ويقولك صرت اطول منك قولي بس الأكيد
مابتكون بثقلي وعقلي وجمالي انا اهبل يلا روح انت وخشمك الي شكبره او او او شوفي اى نقيصه فيهم
علشان يتأدبون وبيني ثقتك وقوتك.
سولفيلهم دايم ان زوجك يموت في طولك ويكره الحرمه الطويله ويقولي انتي انعم بنت شفتها بحياتي
الحمدلله منتي عملاقه بتحسسيني كني امشي مع صاحبي مو مرتي ....مره مرتين عشر
بيسكتون نهائيا وانتي بتحبي نفسك اكثر وصدقيني لو مرت السنين وكبرتوا يعني صرتوا عجايز
ههههههههه بتعرفين فايده قصر قامتك بس اهم شئ اهتمي برشاقتك واناقتك.

انا كمان زيك قصيره بس مبسوطه ولله الحمد لان الدراسات اثبتت ان القصيره اكثر اغراء وانوثه وخاصه ف الفراش مع الزوج موه زي الطويله اللي زوجها يتوهق كيف يحملها ويغنجها ويدلعها
حبي نفسك وارضي بنعمة ربك انه ما فيك نقص وبينعكس شعورك ع الآخرين

اهم شي اخلقي سلام مع نفسك يعني تقبلي نفسك انت رافضتها علشان كذا يؤلمك كلام الناس

اقبلي انك قصيره يمكن تقولين صعب

بس لو اعترفتي بالواقع وانك انت الان قصيره ورضيتي وماعاد تقاومين هالشي بترتاحين لانه المك الان من صراعك رفضك للامر الواقع

هذا اولا

ثانيا

تعليق الناس لاتاخذينه على محمل الجد يعني خذيه بروح حلوة لو احد قاله كسخريه ببساطه قولي عاجبه نفسي

هالكلمه ممكن تسكتهم لانه البعض ممكن لو شاف عندك نقطه ضعف شافك تتضايقين من القصر دايم يعايرك اذا شافه عادي عنك خلاص يسكت

قلي عاجبه نفسي تصرفي بثقه ومن جحد القصر موعيب وميزه حلوة تبينك اصغر من عمرك وله مميزات كثيره

بالتووفيق