ماعندي ثقة في نفسي ومحبطططة

السلام عليكم

بنات مشكلتي مسببتلي ازممة ماتتصورون تلاحقني وين مااروح دايم معاي وفي بالي ماتغيب وتترد في بالي وين ماكنت

انا مو واثقة من نفسي ابد مو في لبسي ولا شكلي الحمدلله انا جميلة بشهادة الكل بس مو واثقة في نفسي في كلامي مع الناس وشلون اكلمهم والاسلوب الي اتبعه يعني تلقوني عند الناس كلامي موكثير وهادية واذذا تكلمت مااطالع الشخص كثير واتلكم بسرعه والخبط في الكلام يعني مالي وجود

لمى اجلس افكر ليش طيب ؟؟؟ اولا انا تربيت مع 3 اولاد وعندي اخت اصغر مني ب4 سنوات بس ماكان عندي احد يقربلي بسني كان فيه بنت خالتي وين ووين اشوفها هذي بسني بس كانت ماتعطيني بال تجلس اكثر شي مع اخواتهاالكبار وماشالله هم 6 بنات يعني ماهميتها ..وكان فيه بنت عمي اشوفها يالصيفية بس.. هاذي اناوياها اكثر من اخوات بس تغيرنا بعد الزواج مادري ليش

لما افكر في الموضوع فيه اسباب كثير هي الي تحطمني وتخليني احس اني انا ولاشي :

عندي اختي الصغيرة ماشالله حبوبة من الكل اي احد يشوفها من اول مرة يحبها وكلامها كثييير واسلوبها حلو ومضحك في نفس الوقت مشكلتي معها احب اتكلم معاها وافضفض لها بس هي احيان كثيرة ماتسمعلي او ماتعطيني بال وانا ماعندي غيرها اتكلم معاه يعني احيانا فيه مواضيع احب اتكلم فيها معاها غير عن امي ..انا اذا هرجت والله اسمعلها واديها كل بالي حتى لوكنت مشغولة...وهي بعد محبوبه من الجميع يعني اذا اجتمعنا في مكان العيون كلها عليها وانا صفر على الشمال حتى اذا هرجت ولا كاني موجودة او محد يسمعني وهي بعد تقهرني بعض تصرفاتها انها مو محترمتني قدام الناس يعني ولاتعطيني قيمة اعطيكم مثال: مرة جالسين انا وهي وبنات خالاتي صغار وانا كنت توني جاية وكانوا يتقهون قامت بنت خالتي تقول لاختها قومي جددي القهوة عشان فلانة (انا) راحت اختي تقول لالا مالي داعي ليش خلاص تاكل من الموجود وكذا موقف سوته وبنفس الاسلوب قدام حريم كبار يعني ماتبي تعملي قيمة قدام الناس هزاتها كم مرة تقولي عادي ليش تزعلين مافيها شي ..بس انا كله والاحترام قدام الناس ..

اما امي عادي في السنتين الاخيرة حست اني صرت حرمة وانعطى وجه اخيرا وخصوصا بعد ماصرت ام يعني اذا صار شي او اذا بتروح مكان تقولي..اول كان تصير اشياء حتى ببيت اهلي نفسه وانا مادري الا من الناس والله فشله احيان ادري باشياء من زوجي اموت قهر يعني شنو انتي عندك مية بنت ؟؟مافي الا انا..

حتى اذا اجتمعنا بناس اول مرة انا اكون عادي معاه واحاول اني اهرج وما اكون عن نفسي فكرة اني هادية ومااهرج بس غصب تجي سالفة مع امي او اختي الا مايقولون فلانه(انا) هادية وماتهرج كثير ..قمة التحطيم ..لاني انا ماحب الهدوء ولا الهاديات والي يعرفني والله موهادية حتى زوجي يقول كنت اسمع عنك انك هادية قبل الزواج وماشفت من الهدوء هذا شي..

كمان انا الحين مااافيه احد بسني مقرب ليه يعني صديقة او احد يقرب لي اجتمع معاه في الجمعات اكثر جمعاتنا مع خالاتي وهم اكبر مني يعني كلامي وتفكيري غير عنهم مافي احد اجلس معاه واسولف البنات لحال والحريم لحال تلاقوني يا اطارد ورا ولدي ياجالسة مع الحريم واطالعهم
يعني انا محطمة اذا كنا بجمعه والله اهرج واحيان اذا كان فيه سالفة جماعية اهرج بس مافي احد يسمعني وفي الاخير يقولون اشبك ساكتة ماتتكلمين ...الحين لما افكر الاقي نفس اهرج واتكلم واتونس من جد احس اني مرة جد مع الناس الي تسمعلي من جد تجيك ناس تسمعلك للنهاية وتعلق معاك وتهرج وفيه ناس تتكلمين معاها وتقاطعك او تحاول تنهي الموضوع بسرعه وهذولا اغلب الي اجتمع فيهم

اذا بروح عند احد لازم امي تكون فيه مادري ليه واحيانا اذا بروح لناس اول مرة اروح مع امي وادخل معاها عشان يعرفون اني جيت .. اذا فيه جمعات للحريم مايعطوني خبر لا يقولون لامي كلمي فلانه(انا )وناديها معاك

ووالله اتمنى من قلبي اروح اعيش في مدينة ثانية ماعرف احد فيها عشان ارتاااح


ادري هرجت كثيييييييييييييير بس والله اغلبه فضفضة ولا اسمع احد يقولي انتي حساسة ..لو حساسة كان ماخخرجت من البيت ابد ولا رحت لاحد وهذا الموضوع مضايقني من زمااااااااااان والحين زااد عن حده

الي ابيه منكم تنصحوني شلون اثبت وجودي واخلي الناس تنبهلي ادري المحبة من الله بس مايصير كذا

هو العيب فيني والا في الناس

(على فكرة الناس الي اتكلم عنهم هم خلاتي وانا تقريبا اجتمع فيه اسبوعيا)