السلام عليكم ورحمة الله
بنات انا عندي مبلغ وحابة استثمرة
ولكن للاسف شوفه عيونكم ذا الديرة ماتقدرين تحطين خيط بإبرة الا برجال
وانا ماعندي رجال
الله يخلف كلن همه نفسي نفسي
وانا خايفة عن عمري من غدر الزمان ـــ< مسلسل بدوي ههههاي
لاجد بنات انا خايفة من هالدنيا وش مخبية لي خصوصا اني منفصلة
ففكرت بمشروع مايحتاج رجال او متابعة من رجال
يعتمد علي كلياً
ولقيت اقرب مشروع هو مكاتب التقسيط
اللي تقسط عن طريق بطاقات السوا او الصابون
طريقتهم للتوضيح
انك تحطين عندهم مبلغ مالي
ويجيهم عميل مضطر محتاج مبلغ
يقسطونه المبلغ بربح ــــ< زي الفوائد
لكن الفرق انهم مايعطونه مال ــ< عشان مايصير حرام
لاااااااا
يعطونه بطايق سواء ويطلبون منه يبيعهم على المحلات
طبعا هو يمر البقالات مثلا ويبيع البطاقة باقل من سعرها الاصلي بريال مثلاً
فيشترون منه
طبعاً البعض منكم بيقول حرام ويعتبر تلاعب
انا زيكم قلت كذا وهالشيء هو اللي مخوفني ومشككني من الشغلانة هذي
ولكن اكتشفت ان كل البنوك الاسلامية وخصوصا الراجحي هذي طريقتهم
مايعطونك مال يعطونك شيء عيني تبيعينه مقابل المال
وبالعكس يمكن البنوك هم اللي فيهم الشبهه لانهم هم بانفسهم اللي يبيعون هالاشياء العينية ويعطون المقترض الفلوس بفوايد ربحية
+
أن البنوك عندهم فتاوي بجواز هالمعاملات بالبيع
+
أن ثلاث ارباع الشعب ماخذين قروض وكلها عليها فوائد, فالحمد لله الطريقة ذي فوائدها شرعية
زبدة الموضوع نقطتين
1- وش رايكم بالمشروع؟ هل هو مربح؟ ومن جربه؟ وياليت تعطوني رايكم الديني المستند على ادله او فتاوي ؟ لأني بالدرجة الأولى يهمني الحلال والحرام بس مابي اراء شخصية,أبي فتاوي
2- إذا كنتم ماتأيدون الموضوع إما بسبب فشلة بالنسبة للربح وكذا , أو بسبب شبهه دينية عليه , ياليت تعطوني مقترحاتك بمشاريع ماتحتاج إلى رجل يسويها , لأني ما عندي رجاااااااال ابدااااااا
وبنفس الوقت تكون تحتاج تفرغ جزئي مب كلي , لأني موظفة
الله يوفق ويسعد ويصخر لكل من ترد علي
جيتكم ضامية @gytkm_damy
محررة فضية
ماعندي رجال يقوم فيني لذلك اخترت مشروع مكاتب التقسيط , رايكم يالمجربات وهل هي حلال
31
21K
يلزم عليك تسجيل الدخول أولًا لكتابة تعليق.
سمآ الورد*
•
الله يرزقك الرزق الحلال
أســألي أي شيخ يفتيك بالموضوع
وإذا عندك معارف حولك أرجعــي لموضوعي إن شاء الله تستفيدي منه يالغاليه
وإذا عندك معارف حولك أرجعــي لموضوعي إن شاء الله تستفيدي منه يالغاليه
الصفحة الأخيرة