ماعندي رغبه نهائيا اني اقدم على وظيفه والسبب؟..........مين مثلي؟

انا معك:)

انا كاااااارهه الوظيفه وانا ماتزوجت 
والله ثم والله اتمنى اني اتغيييييييير 
بس متى..!!
الله يفرج همي 
اذا سمعت وحده تقول ياااااارب اتوظف اقول بيني وبين نفسي ماشاءالله
ياليتني مثلها 

:(

آآآآآآآآه ليت احصل وظيفة لو ب500 ريال لو انا بمكانك اتوظف واشتري لي بيت

وين الوظيفه بس

والله ياقلبي طيب ليش تعبتي نفسك وشهاده وسهر وو اذا هذا رايك من الااساس
حرام والله خساره
ويااختي الدنيا هذي ماتنفع الا فلوسك حتى لو زوجك يعطيك مافيه احسن من انك تدخلين محل وتصرفين على كيفيك مو واحد واقف على راسك ياالله اطلعي خلاص يكفي واحيانا يمن عطيتك وماعطيتك
يازين اذا دخلت محل واشتريت اللي نفسي فيه مو اقول قصور بالرجل بس فرق
وبعد يازين الواحد يجمع فلوسه ويكتب له ولعياله بيت ولا ارض ولا شقق ولا شي ينفع ويازين اذا تصدقتي بفلوسك وساعدتي الناس احيانا نفسك تتصدقين وتزكين وتعطين الضعوف شي منك انتي
وياحلو لارحت البيت اهلي وعطيت امي وابوي شهريا وخواتي والمحتاجات واخواني من فلوسي مو اطلب من زوجي بحياء وكذا اعطي اهلي وياحلو لاصار مناسبه اشتري هداياوووو بفلوسي الرجال مو دائما بيعطي ولو عطاء من غير نفس وبعد لو حبيت اسافر ولا اروح مكان ولا اغير بالبيت اثاث اللي نفسك فيه
ولا ذهب ولولا من فلوسك غير لو بتقولين للرجال قال لا بعد واقع هذا مثلا لو بتشترين مكياج ولا عطور ولا شي خاص بالنساء ولا مشغل تعرفين الاسعار غاليه الرجال يايمنعك من الروحه يايرفض يايوديك او تشترين شي بديل مو حلو بس عشان منه فرق لاصار منك
والزوج جشعه ومدري ايش اذا زوجك كذا الله يعينك هي على حسب الرجل ومو كل الرجال كذا لا من البدايه
يتفاهمون الزوجين على كل شي البيت والااطفال عليه وانتي على نفسك والمفترض يعطيك بعد
لاان النفقه عليه بس هذا مااظنه مادام راتبك فيه
الاطفال والله معك حق بس مايمنع اذا اهلي قريبين مني احطهم عندهم ومعهم الخدامه او اعطي امي واهلي مبلغ مقابل جلوس اولادي عندي وبعدين اغلب الوقت بالصباح بيصيرون نايمين واذا قاموا ساعه ولا ساعتين وانتي جايه
وصح اللي قلتي بس اهلي لو يبغون مصلحتي يتحملون اعطيهم فلوس ولا اغراض او اهل زوج اذا متفاهمه معهم
اما عن البنات ليش مو كل البنات اذا صار الواحد له شخصيه من البدايه صدقيني مااحد يتجرا يرفع صوته او يقول كلمه منهم وكثير بهالوقت قويات شخصيه ولا يتجرا احد يتكلم عليهم ونعرفهم لاانهم شخصيه من البدايه
والشخصيه على الكل المديره وغيرها واذا تعاملتي مع الكل البنات والمديره حتى لو هي متسلطه وو وعرفتي كيف تكسبينها بترتاحين
وعاد بالااخير القرار لك بس هذا رايي والله انا نفسك بس ماكملت دراسه والحين اعض اصابع الندم لابغيت شي بعطي امي ابوي ضيافات احيانا نفسي بشي لي واولادي مااقدر صح يمكن يعطي بعض الاحيان بس مو دائما
واذا تكلمت قلت فلاانه وفلاانه قال هذولي موظفات يعني لو موظفه اشتري على كيفيك وعندي التزامات ومدري ايش
حتى لو مايقصرون فلوسك غيررررررررررررر واشوف ماشاء الله زميلاات لي وقريبات واهل زوجي موظفات وتعالي شوفي مشترياتهم ولا سوالفهم ولا ابي انكر معروف زوجي بس ماراح يجي زي هذولي اللي بفلوسك
مدري شي يحز بالنفس والخاطر سهر وتعب وشقى وشهاده وتروح كذا
قسم اذا سمعت وحده سافر ولا ولا خسر فلوس ولا مايعطيها زوجها كذا انقهر اقول ياالله لو فلاانه عندها فلوس مااحتاجت احد مدري الله لايقول ولا يكتبه على احد الواحد يشوف غيره والحين اللي ماعنده فلوس ولا موظفه ناقصه بهالمجتمع وين بس الوظيفه لو الفين ثلاثه نعمه احسن من لاشيء ولا اطلب منه