ماعندي شغاله حاليا ومضطره أولد ببيتي ~ نصايحكم يأمجربات الولاده وخصوصا القيصري “

صباح الخير
كيفكم بنات

أنا ولادتي بعد كم يوم أن شاء الله ورح تكون قيصري

وعندي بنت عمرها سنه وشهرين

قررت هالمره أولد ببيتي عشان بنتي الله يهديها ولقافتها
وللأسف شغالتي قدمتها من فتره و للآن ماجات


أنا أبي ببيتي أريح لي وهدوء وبرضو بنتي تلعب على كيفها وتحوس على كيفها الشقه ومقفلتها أهم شيء
لأن ببيت أهلي الباب دائم مفتوح من دخلات إخواني و تطيح من الدرج كل شوي
غير أنها إذا لقت المطبخ أو الحمام مفتوح دخلت له على طول
ولا بإقدر اطارد وراء ذا وذا انت قفل وأنت انتبه وأنت سوي

تعرفون الأولاد وازعاجهم
وبرضو أغراضي كثيره أنا وبنتي والنونو ؤين بحطها ذي كلها وش بيكفيها

قلت ارتاح ببيتي أفضل لي

إلي نفست ببيتها وش تنصحوني إسوي
لأني مااقدر أجيب شغاله بالشهر للأسف


الأكل بيكون من برا
أمي يوميا بتجيني من العصر لين 12
زوجي يقول أنا بأمسك لك البنت أنومها معي وأرضعها واغير لها والنونو معك
لكن شائله هم يوم يكون بالدوام أو يوم يكون نايم

أعرف تعب القيصري مو هين بس مجبوره والله

إيش ممكن إسوي شيء يساعدني بهالفتره
وهل أقدر اعتذر من الضيوف أول أسبوع ولا تحسون مالها داعي

إلي عندها تجربه أو نصيحه رجاءا لاتبخل علي

والله يسعدكم