ماعندي صاحبات ومحد يحبني :(

السلام عليكم ورحمة الله وبركاتو
كيف حالكم ان شاء الله كويسين

انا عمري 16 وفي التنوي انا مرا انطوائية مااتكلم مع اي احد غير مع الناس الي ارتحلهم

وهدا الشي اعرف انو غلط بس ايش اسوي وااعرف انو هوا السبب الرئيسي انو مايكون عندي صاحبات

بس يعني كل الصابحات مصلحجية
يعني انا مااجلس مع احد اجلس لحالي دايما
احاول ابين انو دا عادي بس انا في قلبي بااطحطم
وكل مااجلس مع بنت اكتشف انها تبغى مني شي
صاحباتي حقون المتوسط يطنشوني لمن اتكلم مايردو عليا ولاكاني هنا
ياخدوني بااستهبالويقولولي نايمه صاحية:44:
ودا الشي مرا يضايقني بس مايفهمو
فماسرت اجلس معاهم كتير
وقبل شهر في وحدة جات جلست جمبي وسرنا مرا صاحبات
بس اخر اسبوعين لاحظت انها ماتجلس جمبي غير وقت الاختبار وبعدين تروح وتسيبني لحالي
والله شي مرا يقهر مااعرف انا غلطانة في ايش
مع انو كل الناس الي يعرفوني مزبوط يقولو اني طيبة وكدا
وانا والله والله مااطول لساني مع احد ومااحب ازعل احد ولا اتكلم على احد
بس مااعرف ليش حظي كدا
يعني لمن افتكر كيف كونت في الابتدائي كان كل البنات تحبني ويجلسو يتكلمو معاية
اما دحين ولا شي
والله كانو بساط وينسحب من تحت رجلي
والله اليوم جلست ابكي في المدرسة
سرت اكره اروح المدرسة :icon33:
بالله ساعدوني الله يوفقكم