ماعندي صبر على طفلي بهذلته وزاد جناني ماعرفت اعامله ..وصار عدواني

يوسفني ان اكتب الموضوع هذا عن طفلي الل ماتدرون كم عمره ؟؟!!!!!!!



ابغاكم تدلوني وتخاصموني وتنصحوني .................

انا من طفولتي عصبيه وعبيطه وعنيده ..مع الناس زي العسل بس مع اخواني وامي مؤذيه ..
الله يسامحني دنيا واخره اكثر من عذب امي في التربيه انا:44:
مااسكت على شي من حقي او احد يغلط علي مااتحمل اعصب ...عجوووله جدا.

كبرت والحمد لله وعقلت والناس تحبني بس مازلت اعصب وامل بسرعه وصبري قليل في بعض الاحيان ..شخصيتي كذا مهما قاومت وامي متعلقه فيني كثير الحمد لله الله يرزقني برها وبر والدي ..

و احب الاطفال جداااااا جداااااااااا وحنونه لدرجه ماتتخيلونها وابكي بسرعه من اطرف شي وعاطفيه حيييل..ومازلت عجوله ملوله

وتزوجت الحمدلله ورزقني ربي بطفل زي العسل ..
اول سنه عدت علينا حلوين مع اني حسيته عبء على حياتي ..وابوه يحبه ماشاء الله تبارك الله كثيرررررررر
وكثير احيان اطفش من وجود طفلي لان رومانسية زوجي وحبه لي قل بشكل واضح بالنسبه لي بعد ولادة ولدي بالتدريج..:angry:


المهم من بعد السنة الاولى بدأت شقاوة الاطفال....وصرت اتذمر على ولدي واخاصمه واصيح عليه وابكيه واي غلط يسويه احس اللي قدامي يفهم اتكلم معه واوبخه على اي شي
اذا قرب من الحمام اصيح عليه لدرجة انه ينقز من عربيته..:44:
احيان يبكي يبغاني اترك اللي في يدي في المطبخ والعب معه احيان ارشه بمويه واخليه يفتح فمه من الخوف ويسكت..:44:

مااذكر مواقف كثير..بس اصيح عليه كأن عمره 10 سنوات ..واضربه خصوصا اذا صحي وقت نومنا في الليل وربي اقرصه وابكيه عشان ينام وارزعه وابوه احيان ينتبهلي ويخاصمني مره..صرت ماابين لابوه اي شي امسك نفسي قدام زوجي
احيان اذا رفع ضغطي مره اصير اتخيل اني اضربه عشان اشفي غليلي ..
ودايم اقول لابوه لاتدلعه زياده خله يتعلم يجلس في الارض لانه طول الوقت جالس على فخذي او فخذ ابوه وانداده واللي اصغر منه يعرفون الارض وهو مايعرفها يعني ابوه يدلعه وانا ماادلعه مره
وطول الوقت طواااااااااال الوقت جالس عند قنوات الاناشيد ومااتكلم معه بس عالنت او ساكته..:04:

ولدي طبعه في الاصل هادي وماهو كثير بكا وحبوب ويحب الحضن والدلع...وجهه برئ برئ جدا

بس ....



الحين عمر ولدي سنتين ...يبكي ويتحكم ويصيح ويضربني باي شي في يده كاسه صحن عصا ويمد يده علي بكثره يشد شعري بقوة ويصفقني كفوف خصوصا قدام الناس يرمي نفسه في الارض ويقوس ظهره
يشد شعره لو احد شد شعري بذا الشكل يمكن ابكي:icon33:
كلامه قليل مايتكلم زي انداده اقصد نطق الكلمات عنده قليل ..اي شي اقول ( لا ) يصير يصيح بعصبيه وبدون دموع لحد ماييختفي صوته وممكن يستفرغ (مااقصد يصيح يعني يبكي لا يصيح علي يخاصمني )
يحمر وجهه ويطلع في رقبته عروق بارزه ويصير يقول كلام ماافهم منه الا كلب حيوان

ابوه صار يعصب من تصرفاته يقول دلعه زاد وصار يخاصمه لانه صار يعصب على ابوه واذا ابوه قال له شي يزيد ينجن الولد بزياده...لانه مو متعود ابوه يقول له لا ..



الطامه اني كل مازادت عدوانيته كل مازدت قساوة انا واهزئه واضربه واخاصمه :mad:واخليه يبكي لحد مايسكت من نفسه مااراضيه يضرب براسه في الجدار او الارض وانا اطالع في التلفزيون عشان لا اقول خلاص حبيبي ويزيد دلعه


اكيد بتقولون ماتحزنين ...
والله ورب الكعبه احزن عليه واتحسف بسرعه بعد مااخاصمه بس انا برغم حساسيتي وحنيتي الا على ولدي مطلعه الشخصيه:mad:الزفت
واتندم خصوصا اذا نام بس اول مايصحى احضنه وابوس وأاكله بس يسوي لكاعه اخرج عيوني عليه
استغرب من اخواتي مايخاصمون بناتهم وعيالهم اقول ليش هالدلع كله يقولون اطفال مايفهمون اقول لا خوفوهم وخلوا لكم شخصيه عشان اذا قلتم شي يحسبون لكم حساب...


















ياناس وش السواة موضوعي طويل ومللتكم بس اهل الخبره افيدوني ماني قادره اضبط نفسي ...علما اني لمن اتخيل اني افقده اتجنن :icon33:
احبه اكيد ضناي وحشاشة جوفي:04: بس تصرفي غلط يبغالي انا اتربى نفسيا عشان اربي اطفالي ..