ماعندي عنوان ملفت بس الي بتفيدني اوترفع الموضوع ربي يسترها فوق الارض وتحت الارض

لازم تسمعين صوت نفسك وتحركين شفايفك سواء في الصلاة او الاذكار سمعت اكثر من شيخ يقوله...اما هل يقبل الله او لا هذا مايجوز انسان يتدخل فيه ماعندالله سبحانه هو اعلم به......واسالي شيخ مفتي اولى من المنتديات وابراء لدينك
لكن شوفي الله يهديك كيف حرصك على نظرة الناس ايش سببت لك...تتظاهرين بسماع الاغاني بدل ماتكونيين داعيه لله الي اعطاك من جوده وكرمه واهتميتي بنظرتهم وتناسيتي انه سبحانه يباهي ملائكته بعباده .....الله غني عن عباده الاتقياء والرسل والملائكه فكيف بعبد يستحي يخاف من كلام الناس ونظرتهم ....
ياهند الله اراد بك الخير وقدرتكتبين مافي نفسك وباذنه ورحمته يسخرلك اخوات صالحات ياخذون بيدك للخير يارب...خلاص وقفي وساوس الشيطان وحصني نفسك كل يوم واذكري الله في كل مكان وعلى اي حال ترى يشهدلك كل من يسمعك حتى المكان والجمادات والناس والزمن ويمكن تخافين من الرياء ...لامافيها رياء هذي وسوسة شيطان وعلاجها انك تذكرين الله في السر اكثر يعني لحالك مااقصد في نفسك وقدمي وتصدقات في السر كثيييره
ياهند كوني قدوة صالحه لغيرك واغتنمي الفرصه في الدنيا ومادام انك وسط ناس تسمع الاغاني فانتي بين خيارين اولا تستمرين بدون ملل تذكرينهم بالله وتكرهينهم فيها بكل الطرق مع الدعاء مثل ما كان النبي عليه الصلاة والسلام...اواذاحسيتي انهم راح ياثرون فيك اويتجرئون على ثوابت الدين اتركيهم لله ويكونبينكم سلام يعني مافي قطيعه..
الناس ماراح تنفعك يوم القيامه الله يهديك ويهدي بك عباده ويلقي علينا حبه وحفظه ويجمعنا في جنات النعيم

استغفرالله العلي العظيم

رفع

اللهم لك الحمد كما ينبغي لجلال وجهك وعظيم سلطانك

ماظن تحريك الشفايف له دور المهم انك مستغفره ثم تحريك الشفايف بالذكر او القران يعين على التركيز.. و يا حبيبتي خلي الناس اخر همك
يقولون او ما يقولون شيزيدك او ينقص منك.. اللي عاجبه شخصيتك حياه و اللي مو عاجبته براحته لا تحاولين ترضينهم ع حساب قناعاتك..
انا تركت الاغاني من فتره قصيره و الحمد لله و لمن يسالوني عن اغاني اقول ما اهتم بالاغاني بس.. يعني ماشرح تركي للسماع و لا اسوي روحي متتبعه اغاني عشان اعجب