السلام عليكم
يابنات انا اعتذر عن موضوعي السابق المخربط
بسس هذا تقريباا زيه انا فيه واحدع تصير قريب من بيتي اتعرفت عليها تكون من معارف لزوجي ليس قرااابه
هي متزوجه بنفس اسبوع زواجي
وتعرفت عليها هي نوعيتها المحبه للهياط وتحب تتفشخر وانا ماحب اللي ياخذون الدنيا بكلافه بس كنت اضطر اتكلم معها ونتقابل لانه امي بس تعيد علي لاتقطعين الناس قابلي الحريم
المهم انه بعد 6 شهور من زواجي صار ثاااالث سوال تسالني اياه بعد السلام وكيفك
ماحملتي؟؟؟؟!
وكانت تقطعني الايام اللي بعده لحد مايجي موعد دورتي الجاي هي اتعرفه متى وتجي تسالني هابشري ماحملتي؟؟!!!
كنت ماهتم لسواله لانه كنت اعرف انه زوجها يزن عليها يبيها تحمل وتخاف احمل قبلها ويقول شوفيها حملت قبلك
انا كنت اتضايق من حركاتها بس كنت اسكت زوجي خلته من كثر اسالتها لي يقول شكله البنت شافتك متاخره وقام الحبيب يزن علي بالحمل عاد كان براسي الا اكمل سنه واحمل والحمدلله ربي كتب لي الحمل على طول
وحملت بولد وهي حملت بعد ما انا ولدت بولدي وجابت بنت
طبعا بعد كم شهر رجع لي سوال ماحملتي لحد ماحملت بولد الثاني وقامت تسال وش تاكلين حتى حملتي بولد بعد وانا ماسويت شي بس كنت اقول وش كان نظامي عاد حملت بعد ماانا ولدت وجابت بنت
وصار بس تتشكى انه ماعجبها البنت وكانت تبي مثلي
وبهالايام صارت بس تدعي لي الله يرزقك البنت
اتقوليي زوجي يبي الاولاد مايبي البنات اقوله يابنتي البنات هاديات شوفيني انا ماقمت اطلع بسبب شقاوه عيالي ومافي فايده انه اهله يعايرونها واعييد عليها دايم يقولون البنات اولها شماته واخرها حسسد لمن يقومون باهاليهم
بحاول ارفع معنوياتها ونفسيتها وهي كلها اصلن ارزاق ماحد يعرف وين الخيره فيه
وتجي تقول لي اييي الله يرزقك البنت
انا ماخذه دعوتها من باب حسن نيه بسس هي بس تعييدها علي بدون مناسبه
انا بعد جداتي يدعون لي بالبنت لانه يقولوون طارت بوهتك مع عيالك انه صرت بس شارده مع هالعيال ملاحق فيهم
بس هي دعوتها بطريقه كلامها تخوف
اجي ادعي بقلبي يارب اسالك سلامة جنيني
انا حامل الان بالثالث والله اعلم بجنسه قالوا لي احتمال ولد تقول تشوفه من فوق بس مب متاكده الله يكتب لي الجنين السليم المعافى
السالفه اللي قسمت ظهر البعير انه صارت تجي تقول لي تفااصييل
عن زوجي اذا سافر تجي تقول لي ها فلان وصل بالسلامه من المكان الفلاني ؟؟؟
اجي اقولها كان بغبااء وبلاهه بالاول ماعرفت قصدها اقولها لا والله ماوصل تجي تقول لي
اي زوجي قال لي هو يبي يسافر لكذا وكذا ويبي يسوي كذا وكذا فاكنت اقولها بغبااء اتصدقين انتي تقولين لي تفاصيل انا مادققت ورا زوجي اساله عنها وكانت تضحك وتقول لاا انا احب اسال زوجي عن كل شي
حتى يابنات برجعته تقول ها جاء لمك زوجك ؟؟!
وبعد تكرااار هالشي اكتشفت انه تحاول توضح لي انه زوجي يقوووول لي كل شي
صارت مشاكل بيني وبين زوجي ابيك تقول لي كل شي
وصار يقول انتي اصلن من عاده ماتساليني كثييير عن شغلي وش لك تبين اتعرفين وش اشتري وش ابيع
ناقصك شي !؟؟ اجي اقوله لاا بس قول لي كل شي
تسويه والله صارت هوشات بيننا كثييره بسببها تقول لي اخبار عن زوجي وايش عمل وحتى ايش طبخ بالاستراحه
ورحت حذفت رقمي من الواتساب ادري بتستغربن ليش ماسكتيها هي ام لسان اتعرف اكثر ناس والله ماعليها تمشي وتتكلم عني ماستبعدها هي عايلتها من النوع اللي مايستحي وانا صراحه مالي قوة بجاحه واسمع الخبر من اهل زوجي وش قالت عني
المهم ويطلع لنا السناب واحط لي سناب واحط رقمي فيه وهي طبعا شافتني
وكان بلحظتها توه عندنا زواج بمكه صديق لزوجي وكلن نوى يروح بزوجته واولاده طبعا بحكم وضع حملي ببدايته ماقدر مارحت
جت الحبيبه تسالني بالسناب بالحرف ياحرام شفيه فلان ما اخذكم وكلن ماخذ اهله معه
جيت قلت لها بحكم انه توي ببداية حملي ماقدر اقولها وتنشب لي باخر حملي هااولدتي وانا هذه الحركه تجلطني
قلت لها صاحبه قال بروح معك مامعي سياره
ااااااه ليتني رديت رد ثاني افضل بس ماعرف ليه معها اتغاابى واتخربط
جت قالت ياحرام كلن عمر اهله واستانسنا واستغربت ليش فلان ماخذك معه؟!
طبعا بعد ماقالت هالكلام قطعت عني هههه واضح جت لمي مب تبي تسولف معي براسها تقول هالكلمتين وتروح
هالبنت بيصدف اقابلها وشلون ارد عليها ؟؟؟؟؟؟؟؟؟؟؟؟
بحال اتفلسفت علي بمعرفتها اخبار زوجي وهو صحيح اتعرف كثيييير عن روحاته وجياته
وتجيبها بطريقه سوال اتخليني اتلعثم لانه مرات ماكون عارفه انا نوعيتي متعوده ماحب اسال اعرف المضمون كله من شغله الفلاني بسس هي اتعوف التفاصيل ومن قابل وانا عجزت اهتم واصير اساله كل شوي لانه نوعيته يقطر الاجابه علي وبعدين وش ابي بشغله مادام يدفع لي اخر الشهر مصروفي هي نوعيتها حتى تخلي زوجها يصور لها سفرات عشاهم بالاستراحه
زوجها ماشاء الله يتقبل كثرة الاسئله والاستفسارات
مب اللي عندي اقول وش اكلتوا بعشاكم امس يقول نعمه وان دققت ايش بالضبط عصب وش تبغيني اسال ايش ذي وايش ذي
نعمه وناكلها ونملى بطوننا وخلاص
السوال بوسط الموضوع وعساي ماحست الدنيا زي موضوعي اللي قبل
والله يسخر لنا ازواجنا ويرزقنا بر اولادنا وبناتنا
.Caramel @caramel_6
عضوة نشيطة
يلزم عليك تسجيل الدخول أولًا لكتابة تعليق.
شيخه البنوتات
•
يالطيف مرة ملقوفة .. لاتردي عليها خليها تتصل لمن تطفش وطنشيها لو شفتيها بعزايم خليها تتكلم ولا كأنك تسمعي طالما هي من النوع الي ممكن تتكلم عليكي اعوذ بالله من هذي النوعية
طنشيه لحد ماتطفش وابعد عنها لاتحتكين فيها وادعي ان ربي يصرفها عنك وإذا سئلت قولي لها في وجها هذا الأشياء مو شغلك يمكن تحس على دمها وتنفكين منها انقهرت منها اكره هذي الحركات
اتوقع انها تسال لانها تبغضج تتمنى تكون مكانج بس حاولي تبتعدين عنها وما تخبرينها تفاصيل حياتج وان تكلمت على ريلج قوليلها خير شو تبين تعرفين عن خصوصيات عيب انتي ترضين اسال عن زوجج
والله بتقهرينهنا لاتضيفينها باي برامج ...واذا سولفت قولي يوه ي فلانه يحبك للاساله وش ابي بهالتفاصيل ...واللتهب عنها وطتنيش الين متتادب ...وبعدين وش هالشي الي يخليها تتجراء عليك وتنشب لك الاانها ي ملقوفه او غيره ....صراحه انتي اسلوبك معها ماش معطيتها وجهه
الصفحة الأخيرة