ماعندي يقين بالله

دائما ادعي في سجودك وفي كل مواطن اجابه هذا الدعاء ( اللهم اهدني من لدنك رشدا )

الله يهديك ويصلح حالك يارب حبيبتي اذا ماتحققت الاشياء اللي تريدينها اعلمي ان الله يختار اللي يناسبك ولو عرضت الاقدار علي الانسان لختار قدر الله له.. كلو خير خلي عندك يقين بالله انو اي شي يحصلك بحياتك صدقيني مو عبث كلوخير والله يقدرلك الخير يارب

يا الله من موقف تنهزمين وتتضايقين ، ومن حلم حلمتيه تعيشين انه حقيقة ، ترى الاحلام كثير منها حديث نفس، وبعدين الله يالتخصص اللي يستاهل منك كل هالتشاؤم لو ماقبلك ، ولله مافيه تخصص يستاهل ، انت لو تحبين شي اقرئي فيه وتثقفي ، وشهادة الجامعه الله بييسر لك الخير ، المستقبل والتوفيق الله ميسرهم لك سواء دخلت تخصص طب او اي شي ، الانسان يسعى للاسباب ويغتنم الفرص ومايزعل لو فاته شي ، فاتك تخصص وانت بعافيتك ادرسي غيره وتثقفي فيه ، واخذي دورات ، ،، اجل لو تمرضين وش بتسوين بنفسك ؟! بتصرخين وتهلعين؟؟ يمكن الواحد يمرض ويجلس سنوات يدعي الله ومايطيب ، ويمكن الواحد ينظلم وينسجن ويجلس سنوات مسجون ومايطلع ، ماربك اراد له ، تفاءلي خير بأي شي مكتوب لك الله يسعدك ، تفاءلي خير بأي تخصص ، وبدال ماتقولين ابي هالتخصص وابي ، قولي يارب انت اعلم بالخير لي فسهل لي افضل طريق تراه لي بالدراسة واصرف عني اي طريق كنت اظنه خير وهو شر

اختي اللي انتي فيه يسمى قنوط من رحمة الله
ثاني شي انتي حابه هالتخصص لا تسمعين لاي مفسر احلام لان الاحلام تخطي وتصيب وثالث شي اذا الانسان دايم يفكر بشي معين طبيعي راح يفكر فيه بطريقه مختلفه يعني مثلا اللي يخاف من الاختبارات يشوف نفسه ما يحل او انتهى الوقت .. وغيره اشياء كثيره
وبعدين انتي حابه هالتخصص خلاص ادعي قولي يارب ان كان هالتخصص فيه خير اي فيسر لي دخوله وان كان فيه شر اصرفه عني .. لا تخلي مستقبلك يعتمد على حلم وممكن اضغاث احلام يعني مو حلم اساسا كله من التفكير …دام التخصص من سنين وحابته فاتكلي على الله .. الدعاء يغير القدر مهما كان

شوفي باكلمك من تجربه
مريت بكثير من الامور وصار لي مثل ما تقولين
لكن بعد عمر اكتشفت ان الانسان لازم يعقلها ويتوكل
يصمم ع احلامه ويحارب العالم عشانها
ويتمسك فيها لاخر يوم في عمره
ويدعي الله ان يجعل الخير فيها
وعادي يجرب ويغامر واذا خاب وخسر مو مشكله يعيد الكره واحيانا لما يخوض في هدفه رح تتفتح افاااااااق جديده قدامه وبيتجه لمنحنيات اخرى واكيد فيها خير اجمل ممانتوقع ونحلم
المهم انك تحطي رجلك ع اول سلم وابدأي
وحققي رغبتك
رح تحسي انك انسانه عايشه لما تتحركين وتسعين في الارض


بصوت عاااااالي وبحراااااره وجزززززم ويقين بالله ثم بنفسك

كرري قولي كل يوم :
(بإذن الله باعقلها__و___باتوكل )


تذكري كلامي ولاتنسيني من دعواتك ❤️