ماغير الجدران والإنترنت والجرايد ّّ!!!!!!!!!!

طفشت والله من الوحدة
أنا متزوجة من ثلاث سنين وسافرت مع زوجي إلى إحدى مناطق المملكة بعيد عن صديقاتي وأهلي كنت أكمل دراستي بس السنة هذي حملت وتوقفت لهذي السنة بعدين سقطت وراحت علي السنة الحين
المهم أنا موقادرة على الوحده , حاولت أتعرف على الجيران بس هم ماردوا الزيارة مايصير أروح أقط وجهي كل شوي
وحده منهم قالت بصراحة أنا حامل وما احب اشوف احد لما اكون كذا تكون اخلاقي شينه ووحده موضفه وطول اليوم بالدوام أو نايمة وهكذا
مااعرف من وين اجيب صديقات ؟؟؟؟؟؟؟؟؟؟؟؟؟؟؟
من وين أجيب الناس يعني أدور بالشوارع ولا بالأسواق ؟؟؟؟؟؟؟؟؟؟
زوجي أنسان مو اجتماعي وكلمااقوله تعرف على أحد من زملائك الموضفين تعذر بضيق الوقت وأعذار ثانية أو لأن مااعندنا مقلط رجال ..................................
أهلي مااقدر ازورهم إلا بالشهر مرة بسبب بعد المسافة بيني وبينهم
ماابي اطول عليكم يس بجد طفشت ماغير هالأنترنت والجرايد والتلفزيون أحس اني نسيت كيف الناس يتكلمون
بصير من اهل الكهف أدناة يوم
طبعا زوجي سوى حادث من فترة وخسر السيارة وماعندنا سيارة نتمشى ولا نروح
وهذا جالسه بلحالي خايفه يجيني انفصام شخصية من كثير ما أتكلم ويا نفسي

زهقااااااااااااااانة حددددددددي وربي بموت طفش
لاتقولين تلفون لأن الفواتير مي هينه أبد
ولا تقولون اعمال يدوية ومواهب لأني ابي احد يتنفس ويتكلم بموت من الوحدة
ولاتقولون دورات لأن زوجي دخل كل فلوسه بالأسهم ........................

أرجوكم ساعدوني اللي يجي بهالمنتدى يعرف قلوبكم الطيبة أنا استفدت من مواضيعكم واجد