مافن المرتديلا والأعشاب

السلام عليكم ورحمة الله وبركاته


شخباركم خواتي الحبيبات


معاي لكم اليوم طبق جديد

المافن كلنا نعرفه نوع من الحلويات بالمكسرات والفواكه

اليوم مسويه لكم مافن مالح

إنشاء الله يعجبكم


المقادير :

- 5 شرايح مارتديلا ساده أو بالزيتون .

- 3 كوب طحين التخمير الذاتي .

- 1/2 قالب زبده صغير 113 جرام .

- 1 ملعقة كبيره ريحان طازج مفروم .

- 1 ملعقه كبيره من الكزبره المفرومة الطازجة .

- 1 ملعقه كبيره من البصل الأخضر المفروم .

- 1 ملعقه صغيره أوريغانو .

- 3/4 كوب جبنه بارميزان مبشورأو ( 1/2 كوب شيدر مبشور + 1/4 بارميزان )

- 2 بيضتين مخفوقتين .

- 1 كوب حليب .

الطريقه :


1. قطعي المارتديلا قطع صغيره وإقليها بقليل من زيت الزيتون أو الزبده وبعدين حطيها على ورق كلينكس علشان يمتص الزيت الزايد .

2. حطي الطحين في ماعون وبعدين خلطي معاه الزبده وبعدين ظيفي المارتديلا والأعشاب والجبنه وخلطيهم جيدا .

3. الحين ظيفي البيض والحليب وتخلط مع بعض بالملعقه وتشوفين العجينه عندك تكعكلت .

4. اللحين جيبي صينيه المافن ودهنيها بشوي زبده وحطي مقدار ملعقه كبيره من الخليط في كل كب منهم تقريبا تحتاجين الصينيه الي فيها 12 كب من النوع الوسط .

5. دخليها الفرن مده 20 دقيقه إلى نصف ساعه فقط ..


وقدميها لأفراد عائلتك بالعافيه إنشاء الله


:cook: