اولا ابشرح لكم العنوان :35:
مافن والا كب كيك حلاي يجمع بينهن
وتحديدي للرومانسيات لاني حطيت كم قلب فصار حلى رومانسي:39:
وقلت خل اكتب رومانسي أكيد كل الحوائيات يبي يطبون عندي :35:
المهم مالكم بالطويله
هذا ياطويلات العمر كب كيك قربعت به وطلع تسذا والطعم جونان وإدمان ويالله شوفو الصور والطريقه :27:
اولا الكيك هو منها وفيها اظن مافيه احد مايعرفه
ومقاديره للي ما يعرفونه كالتالي
كأس سكر
كأس زيت
كأس ماء
4 ملاعق شوكولاته بودرة
4 ملاعق حليب بودرة
هذه الاشياء توضع بالخلاط (خلاط الطماطم ) الكاس
بعد ماتخلطيها كويس خذي من الخلطة 3/4 الكأس وخليهم على جنب
بعدين اضيفي الى الباقي بالخلاط 2 بيضه
وقليل من الفانيليا
اخلطيهم جيدا ثم صبي هذا الخليط على 1 كأس دقيق وملعقة كبيرة باكينج باودر.
صبي الكيك في قوالب الكب كيك ودخليها الفرن وبعد ماتستوي طلعيها ,,<<<<أحلفي
وحفريها مع الوسط
الثلاث ارباع الكاس اللي طلعناه قبل البيض نحطه بالخلاط ونحط عليه باقي الكيك اللي طلعناه من وسط الكب كيك <<<اعرف اشرح
ونحط عليه ربع نستله ونص قشطه تقريبا واصبعين توكس ونشغل الخلاط
وبعد ما نحوس مريره بالخلاط (أي نخلطه جيدا لغير الناطقين بالقصيميه :35:) نقوم ونعبي الحفر بالخلطه <<<تراه تقول رومانسيه من جنبة
همن زيني الكب كيك او المافن او اللي تبين سميه بالزينه اللي تبين انا ما عندي الا هالزينه وحطيته وتراه زينة عجله بس مادريت اني ابحطهن لكم والا ككان زبرقتهن
والحين دوكم الصور وبالهناء والشفاء
وهنا انكبت الرومانسيه كله هع
وتراي ما اعرف احط اسمي على الصوره بس توقيعي بالصحن حفظا للحقوق:04:
أتمنى أن الحلى مدري الكيك ما أدري المافن <<<طولتها صوح هع
عموما اتمنى انه عجبكم والله الله بالردود وحيالله الجميع مقدما :27:
لا أحد يرد لين اكمل الموضوع <<<<تبي تقلد ماتعرف هوع
وهذا تطبيق مرة اخوي الله يسلم ايدياته
\
نسيت حطولي نجمات تراي عقب الإبتدائي ما احد حطلي