مافهمت لها ولا عرفت ولا وضحت لي

السلام عليكم ورحمه الله وبركاته امي الله يهديها ماعرفت لها مادري وش مشكلتها قبل اسبوع كانت سيارتي فيها غبار لدرجه ما اقدر اشوف اللي برا من الغبار وكنت محتاجه اغراض ضروريه ومهمه جداً جداً طلعت الظهر تقريباً الساعه 2:30 رحت اخذ اغراضي ورحت اغسل السياره ورجعت بعدها امي الين يومكم الحين وهي ماتكلمني وزعلانه كأني قاتله لها احد 🥺 طبعاً مو اول مره كل ما اطلع وارجع البيت القاها زعلانه حتى اذا طلعت معاي احينا اقولها يلا نروح نتمشى تمشي معاي بس نفس الشي زعلانه مادري ايش مشكلتها معاي من زمان وهي كذا حتى اذكر قبل سنتين ماكانت تخليني في الجمعات البس ملابس على عمري لا لازم البس ملابس وحده عمرها 60 سنه واذا ماسمعت كلامها تقعد اسبوع او اسبوعين ماتكلمني احس كذا مو حاله معد اقدر اتحمل تعاملها معاي الله يهديها انا ماسويت شي غلط تبيني امشي على كيفها بكل شي البسي هذا لاتلبسين هذا لاتشترين هذا لا تتعطرين بهذا العطر طيب كيفي احس اني مقيده عمري 35 اتمنى بدون اسائه يا اخواتي انا احب امي وعلى عيني وراسي وافديها بعيوني لاكن مهما كان انا برضه مو طفله كبيره في العمر خلاص عيب الشي اللي تسويه الله يهديها تخيلو للحين ماتكلمني والله على ما اقول شهيد اني كلمتها واحاول افهمها واسألها ليش تعاملني كأني سويت مصيبه كل اللي سويته اني طلعت اخذ اغراض ناقصه تقول لا مازعلت يلا انقلعي عن وجهي اقسم بالله العظيم اني تعبت وتعبت نفسيتي اللهم ارزقني بالزوج الصالح يارب العالمين على فكره ترو ابوي مو كذا الله يحفظه بس امي الله يهديها