مافيه احد مثلي انا بهم وغم وحزن الله لايوريكم الي شفته..ااااه

بنات انا تعبانة نفسيا والله اني بهم وغم مايعلمه الاربي يأست من المستشفيات ومن نفسي اه لي خمس سنوات مارزقني ربي الذرية ولم يسبق لي الحمل والسبب طبعا من زوجي سوينا سبع عمليات اطفال انابيب كلها فشلت ..ام زوجي وماادراكما ام زوجي ترمي علي التهم والتجريح بكل مجلس اهم شيء عندها بهاالدنيا الاولاد وبس غيرها مايهمها شيء..طبعا هي عرفت ان العيب من ولدها وبالرغم من ذلك تقول للحريم وبوجهي ودي اشتري لفلانة الي هي انا علاج للحمل عشان تحمل وتوصي الحريم يجيبون لي اعشاب بالرغم من انها عارفة اني سليمة بس تبغى تبين لناس ان العيب مو من ولدها مني انا..كل هذا وانا صابرة وساكتة تصدقون اني اشوفها اليوم تسالني ماحملتي اشوفها بكرا برضه تسألني ماحملتي دايم تطري الحمل عندي وتقول فلانة ماشاء الله تزوجت معك ومعها اثنين وفلانة معها وفلانه ....تصدقون مرة دخلت عليها قالت المفروض داخلة ومعاك ثلاثة اطفال وشغالتك معك وطبخ ونفخ ..اه ثم اه واذا شافت ولدها سكتت ماتبغى تضيق صدره بس تضيق صدري انا الله يعينني..تقول لنا الدكاتره يكذبون العيب منكي اكيد فيك شيء واذا شافت زوجي تقعد تقوله قصص رجال تزوجو وقعدو سنوات ماخلفوا والعيب منهم ويوم تزوجوا مرة ثانية حملن حريمهم يعني طلع العيب مو من الرجال ..اااه كل هذا وانا صابرة وساكته احيانا اطلع منها وانا ابكي واقول لزوجي واحيانا احبس دموعي وانا وانا ابكي..خففت الزيارة لها صرت مااروح لها الا في الاسبوعين مرة تخيلو يابنات حمواتي الي تزوجوا بعدي خلفو والباقي حوامل وتجحد عني حملهم ماادري الا من الناس تخاف اعطيهم عين الله يرحم ضعفي بس..صرت من كثر مااكره اروح لها اذا جو حريم اخوان زوجي اختلق الاعذار عشان مااشوفهم لان كل كلامهم عن حملهم وعن الولادة والاطفال ..وامس يابنات اعزمتني اخت زوجي وقلت لها خلاص ابجي عشان صعبة اتخلف في كل مرة وش بيقولون عني بيقولون هذي غيرانة وحسودة ..المهم وافقت والمشكلة زوجي رافض اروح وش اقولهم يابنات ؟؟ماادري صعبة بحقي مااروح وش بيقولون عني ؟؟وصعبة اقنع زوجي وهو رافض بتاتا يقول وشوله تروحين وانتي لاحمل ولا اطفال بينهم (يمكن خايف اتنكد) ماادري بس هو يخليني ارح للي انا ابغى الا حريم اخوانه مايبغاني اشوفهم حوامل ومعهم اطفالهم..ماادري ليش ..والمشكلة زوجي صعب اقناعه تكفون ساعدون..
ادعوا لي يابنات الله يرزقني الذرية تكفون يابنات والله سبب كل مشاكلي هي من وراء عدم الانجاب الله يخليكم ارحموني وادعولي في صلواتكم يمكن ربي يستجيب لكم تكفووووووووووووووون..
وادعو ان زوجي يحن علي ويرضى اروح لعزيمة اخته تكفوووووون.وهذا نقطة من بحر من المواقف الي اشوفها بسبة الحمل.