مافيه تشققات على البطن و السبب تعالوا اعلمكم....!

السلام عليكم و رحمة الله و بركاااااته

يمكن هذا اول موضوع اطرحه بنفسي و انا عادة ما اكتب مواضيع لأن اسلوبي في الكتابه نوعا ما ركيك :42:

المهم مبين من الموضوع القصه انا الآن داخله الشهر السابع صار لي اسبوع الحمد لله
و بطني كبير و مو متخيله كيف بيكون شكله في التاسع لأني احسه كبير بمافيه الكفايه

بس لاحظت صاحباتي اللي حوامل مثلي بدت تطلع لهم التشققات

و انا كل يوم ادورها خوفا منها والى الان ما طلعت!

انا ما كنت عارفه السبب
بس اليوم عرفت و اكتشفت والله عن طريق الصدفه
انا مشتركه مع احد المواقع اللي يرسل لي تقرير اسبوعي يقول لي فيه انا صرت في اي اسبوع و كل الكلام هذا

و امس ارسل لي تقرير يقول لي انتي في الاسبوع 25 من حملك
و كاتب لي ان الطفل بدا يطلع له الشعر و بدا يكتسب و يخزن شحم الاطفال و بشرته بدت تتعدل و حجمه و...و....و...

المهم بعدين في حالتي حاط لي مجموعة اشياء مكن اكون حاسه فيها خلال هالفتره
و من بينها يقول لي هل تشعرين بحكه على البطن و لا تعرفي:42: ن السبب

المهم بعدين كاتي اكيد لاحظتي التشققات و الحكه هذي نتيجة تمدد الجلد مع كبر حجم البطن و للحد من هذه الحكه و التشققات ننصح بشرب الماء كثيرا و السوائل!
مع استعمال كريم مرطب بشكل مستمر

عموما انا استعل زبدة الكاكاو حقت بودي شوب الل نصحوا فيها البنات و للأمانه و الله ماني مداومه عليها بشكل يومي يعني كل ما اشتهيت و صار لي خلق حطيتها

والله يا خلقنا الحوامل كله نفسياتنا بخشومنا هههههههههههههههه:42:

عموما اللي اكتشفته ان سبب عدم ظهور التشققات هو شرب المااااااااااااااء السوائل بشكل عام
والله يا بنات انا اربعه و عشرين ساعه اشرب مويه افتر في لبيت و كاستي معي
زوجي يضحك علي يقول لي عسى اشر وش اللي صاير لك من حملتي و انتي ما شاء الله صايره خزان مويه وين تروح المويه اللي تشربينها

والله يا بنات لا امساك الحمد لله ولا تعب و لا ارهاق احس فيها ولا طلعت التشققات
و بعدين المويه سبحان الله تنقي الدم و الجسم من السموم

جربووووهاااااااااااااا والله العظيم انا اكتشفت عن طريق الصدفه
و اسمع البنات اللي ياخذون مسهلات علشان الامساك و الله يا بنات المويه و العصيرات تريحكم بالذااااات المويه

و غير كذا انا آخذ فيتامينا و فيها نسبة حديد مع اني ما عندي نقص حديد بس احتياط
والله لا سببتلي امساك ولا شي

و السبب المويه

ما ابي منكم الا تدعون لي

جزاكم الله خييييير