مافيه شغف بالحياة ولا حنا كبرنا

صايره انسى كثير مره

إش تعديت الأربعين أختي إستهدي بالله إش إيوقولوا إلي تعدوا الستين والسبعين مازالك صغيره والحياة قدامك إذا الله أطال بعمرك ماهو إلا إرهاق نفسي إلي إنت تمري فيه حاولي تغيري أشياء بحياتك تخلقي نشاطات أدخلي جمعيات مثلا سجلي بنادي رياضي تحفيظ قرآن سوي دورات
.

ان شاء الله بحاول الله يجزاك خير بس احيان اعوذ بالله من ابليس تجي هالتفاكير واحاىل اسوي اقول لا كبرت عليهن مانب مسويتهن الله يهدينا بس

غيري روتينك اطلعي وامرحي الحياة امامك اشغلي نفسك في اي حاجه هذه وسواس الي معك توك بالعمر والعمر مثل ماقلتي مجرد رقم لا اكثر اكشخي واطلعي أسواق كوفيهات وكذا او حتى زيارات عند جارتك اهم شي انك تنبسطي والله

وعليكم السلام ورحمة الله

فقدان الرغبه والإهتمام بالحياه ترى شي طبيعي
لاتعاملينه ولاتواجهينه كمصيبه أو كشي مستحيل
تتخلصين منه.
تعايشي معاه فتره لأن تقبله لفتره بسيطه هذا بحد ذاته
علاج وتخلص منه.

إذا أستبعدتي الأسباب الصحيه وسويتي
تحاليل شامله للفيتمينات والغدد وطلعت
سليمه فيبقى الأسباب الثانيه.

أهم الأسباب هو إن الواحد يكون مر بضغوطات
بمشاكل بهموم وأخذ ورد فوصل بمرحلة
الطفش والزهق واللامبالاه وفقد إهتمامه
في كل شي وماله رغبه في أي شي.

وممكن يكون عايش روتين قاتل
مايجدد المكان ولا الأثاث ولا حتى اللبس.

غيري في أثاث البيت لو شي بسيط
غيري لو مكان تسريحة غرفتك
أو مكان طاولة الطعام
التيلفزيون.. أي شي
جددي في البيت.

تفقدي صحبتك ونوعياتهم
شوفي يمكن هم بعد محملينك
همومهم ومشاكلهم ويشتكون
من الحياه ومن كل شي عندك
يعني تأثيرهم سلبي عليك

صلي آخر الليل الوتر وادعي
الصلاه سكينه وراحه وهدوء

مشاكل بيتك وزوجك وأولادك لاتعظمينها
ولا تكبرينها ولا تلعبين دور السوبر ماما
الي تحب كل شي
وتفهم كل أحد
وتعطي أكثر من الي تملك

لنفسك عليك حق.