مافيه مثل التشكي الرب العباد زوجي بعد القرارات اللي صارت

السلام عليكم ورحمة الله وبركاتة
اخواتي تعرفون بعد نزول القرارات والغاء البدلات واهمها بدل السكن
كثير حال الناس صار بالحظيظ
طبعا انا زوجي عنده اجار البيت ورسوم مدارس بناتي
بس الحمدالله ماعليه لا قروض ولا ديون
طبعا نفسيته بالحظيظ
راح بدل السكن اللي كان 27 الف بالسنه وراحت كثير من البدلات
وماغير تشكي انا بطلع من الشقه انا بطلع البنات من مدرستهم انا حالي زفت انا مقدر ادفع قطت الاستراحة انا وانا وانا وانا اول مره هونت عليه وقلت هذا اختبار من ربك يا رجال خلك قوي احمد ربك غيرك عنده قروض وغيرك مديون الحمدالله الا يرد ويقول عندي اجار بيت وعندي قصد مدارس البنات قلت له البنات محلوله مو مشكلة نحولهم حكومي الفصل الدراسي الثاني قال بقي اجار البيت
قلت الحين كم ناقصك قال8 الالف بس قلت سهله تتدبر بس لايضيق خلقك ووسع صدرك مبلغ بسيط ويتدبر واللي جرالك جرى الغيرك مايجوز الجزع الهدرجة خل عندك ايمان بالله وثقه بربك
والله ما كأني اتكلم مستمر بالتشكي لنا3 ايام على ذا الحاله اقسم بالله يااخواتي مليت ماعاد فيني طاقه اسايره تعبت من التشكي ويضيق خلقي انا بطلع من الشقه وباخذ شقه في منفوحة عشان اوفر انا بنقل من الرياض كلها غاليه انا وانا وانا وانا تعبت اخواتي نفسيتي تعبت اقسم بالله ما اصدق يروح استراحته عشان ارتاح من التشكي يستقعد لي بالواتس ويستلمني تشكي ويوريني شقق 15 الف السنه بمنفوحة لعب بعصابي وكل هذا كل شي عنده ومدبره ونفص على كلامه 8 الالف مدري ليش يسوي كذا ولا ادري كيف اتصرف معه قسم بالله صرت افرح اذا نام ولا طلع الدوامه او استراحته ارتاح من حنته اليوم رحت الجارتي اغير جو كله هروب تعبني بس افكر بحالي وحالنا انا وبناتي ضاق صدري وبس ابكي ومابيدي شي اسويه الزوجي
اخواتي ابي تخبروني كيف انصرف مع زوجي اذا بدا يتشكى كيف اخليه ينسى ويلهى خلاص تعبت ماعاد فيني طاقه تدريس اطفال وعندي رضيعه وابوهم وحنته فوق كل شي مرات اقول ليتني بنت ماتزوجت وفي بيت اهلي من كلام زوجي وسلبيته وحنته وتشكيه :(
اقسم بالله لي 3 ايام لا اكل ولا اشرب كله منه وبس افكر وسرحانه