موضوع مرا حلو ..عندنا مافي خرابيط زايده المستشفى مافي استقبال ولا احد يجيك بالمستشفى الا امك وام زوجك لان كلها يوم وبتخرجين بالسلامه ..تروحين بيت اهلك طبعا بغرفة الضيوف احط سرير وعليه مفرش ناعم وسرير النونو جنبي وطاوله صغيره احط عليها قهوتي ورضاعة النونو الاستقبال طول الاربعين اللي بيجي حياه ب اي وقت احس مو حلووو احدد لهم وقت يمكن الوقت اللي احدده مايناسبهم وهما يجيبون كل شي معاهم بس نكون مجهزين الفناجيل والكاسات مااسوي توزيعات لان ياخذون من هنا ويرمونها من هناك خساير ع الفاضي لبسي جلابيه ناعمه مافي لون محدد ويكون لبس النونو نفس لون لبسي مو ضروري بس من باب الكشخه يعني ..ومااحط طرحه شعري مايحتاج استشوار بس تجفيف بعد الشور واحط قطن باذني ارسم حواجبي واحط خافي عيوب مع شوية مسكرا وكحل من جوا العين وروج لحمي طبعا اربط بطني مشد اندنوسي من ثالت يوم مااستغني عنه اخليها طول الاربعين اشيله بس وقت الشور واكون شافطه بطني وانا اتروش ومااشرب ادوية نفاس وخرابيط الحريم بس اشرب العشره الايام الاولى حليب مع فلفل ابيض ومايكون بودره لانه يسوي غازات بالبطن اسخن حليب السعوديه قليل الدسم واحط عليها فلفل ابيض ومرات فلفل اسود والعشره الايام اللي بعده حليب ورزنه خضراء تنظفك تنظيف وتشد المنطقه
ابتعد عن الغازيات والبارد اكلي مالي شي محدد بس ضروري يكون اكل بيت مااكل من المطاعم ولا اكل مقليات ..اذا حسيت بجوع اكل تمره مع رشاد
ومااستغني عن الملين والتحاميل الشرجيه المسكنه للخياطه هالتحاميل مستحيل استغني عنها احطها يوم بعد يوم ..وبس
( هالمره نفاسي بيكون ببيتي اهلي بالمدينه وانا بجده وبنتي تدرس) اخذت شغاله ومعارفي بجده مو كثير بس اهل زوجي وجاراتي الحمدلله ..الله يسهل ولادتي ويتمم لكل حامل ع خير ويرزق كل محرومه يارب ..اتمنى اكون افدتكم بمشاركتي زي مااستفدت انا منكم ..🌹🌹


الحمدلله في كل حين

الشوكولاته راح اجيبها من باتشي او شوكولاين
والتوزيعات عجبتني فكرة هذي الكتيبات واشتريت كميه منها
https://d2s63a22uzwg40.cloudfront.net/1/1/8/5/8/3/1/54ecc0803c16d.jpg