طيب وش رايكم بصديقتي بالمدرسة أنخطبت وفرحااانه فرح ما تتصورونه قريب الثلاث سنوات وهي تنتظر

وفي كل مره يقدم الخطيب عذر والمصيبه أنه يقول لأهلها مازال يبيها ومتمسك فيها .

والبنت مازالت تنتظر وجالسه تجهز نفسها وكلش وفي النهاية سمعت خبره أنه تزوج من كم شهر وزوجته حامل وقربت تولد

هذا كله وهي كانت تنتظره لين اليوم اللي سمعت بالخبر الي صدمها وصراحة صدمنا كلنا حنا صديقاتها

والمصيبه أنه كل ما أهلها يقولون له خلاص مافي نصيب يرجع ويسوى أشياء لين يقنع أهلها بأنهم يصبرون عليه

وفي الاخير يسمعون بالخبر

ولا تسألون عن حالة البنت ونفسيتها لحد الان وهي في هم كبير وتقول لنا أنا مو زعلانه عشان ماتزوجته وأدري إن هذا خيره من رب العالمين بس ليه يعلقني ثلاث سنوات وفي الاخير يسوى كذا فيني وفي أهلي وليه يكذب علينا وليه يمثل بأنه متمسك فيني وهو في الاخير لعاااب .

واللي عرفوه بأن حتى أهل الشاب ماكانوا يدرون أنه خطب ذي صديقتنا يعني مدري ووش بالضبط كانت نيته وتفكيره .

وفي شيخ قال لأهلها بأنهـا مسحورة و مربوطه عن الزواج .

بالله أدعوا لها بأن الله يشفيها وإذا كان فعلا مسحورة يفك سحرها وينتقم من اللي سحرها

و يزيل الهم من قلبها ويرجعها لنا مثل ماعهدناها الكل صار يقول عنها نفسية لأنها صارت أنطوائية وما تبي تختلط بأحد .

الحمدالله والله إنك صادقه
بس ياليت في ناس تفهم
الحمدالله على كل حال
وإن شالله ربي يرزق كل بنت تتمنى الزواج