مافي احد مثلي في وحده تفكر تعيد دراستها كلها من جديد صعبه

السلام عليكم ورحمة الله وبركاته
وبعد...

انا مابي اطول عليكم
انا كان عندي ورم خبيث من يوم انا بالمدرسه بس الحين تشافيت الحمد لله وهالشي اثر على تعليمي لدرجه اني كنت دايما ارسب بالرياضيات والانجليزي بعدين يسووا لي اعفاء وينجحوني على الحفه
والحين انا في سنه ثالث ثانوي وقلت للمساعده ابي انقطع عشان ارجع اعيد دراستي اسجل من اول ابتدائي عشان اجيب معدل عالي وادرس الرياضيات والأنجليزي من جديد
انا اذا بعيد دراستي عادي اصبر لأن عندي رغبه احب الرياضيات والانجلزي ونفسي افهمهم عدل
انا الحين محتاره وطبعي مثقفه واحب الدراسه بصراحه
بس فكره اعادة الدراسه امخوفتني لأنها غريبه هالفكره


عندي ورقه الأنقطاع عن المدرسه اخلي ابوي يوقعها واطلع من المدرسه وبعدين ارجع اسجل من جديد من اول ابتدائي عشان اصير افهم الرياضيات والانجليزي واجيب معدل عالي؟؟


مع اني احس ان لو بعيد دراستي واسجل من جديد ومحو اميه يمكن شهادة ثالث ثانويه محو اميه ماتنقبل بعدين اذا ابي اروح الجامعه وفكره اعادة الدراسه كلها
احس ان هالفكره صعبه
او

ادرس ثالث هالسنه واستلم شهادة الثانويه مهما كان المعدل وارضى بقدري؟؟