مافي احساس !

مرت اخوك تبالغ مرا ويمكن ماتحبك وشافت نقطة ضعفك وتبي شيء يضايقك ويحزنك لان شافت ضعفك من هالناحية
حبيبتي بنتك ماشاءالله تبارك الله لاحول ولاقوة الا بالله
تمشي وتتكلم ومعها ايدين ورجلين وماعندها اي اعااقه جسديه او اختلال عقل
ترا بس نظرات لا راحت ولا جت
طولي باااالك وخل بنوتتك تكبر وسوي عملية وامورك بتكون عال العال باذن الله لاتضعفين كذا شوفي نعم ربي عليك واحمدي ربك واشكريه .

الناس وش جاها مرت اخوك مهيب طبيعيه ذكرتني بغصون استغفرالله
عيال اخواني بنتين وولد كلهم نظارات ويجون باعياد ومناسبات ماعمرنا حسسناهم بهالشي حتى اطفالنا ماعلقوا عليها .. انتي لاتبكين كان رديتي عليها رد يقصف راسها 😡

ليش البكاء والزعل وبنتك بخير وعافية من الله
افتحي الاخبار وشوفي البلاوي بأطفال المسلمين وغير المسلمين
روحي المستشفى قسم اورام الأطفال واعتبري
النظارة نعمة من الله تخليها تشوف كويس
أيش يقول اللي علته ومرضه مامنه رجا ولا دواء

انصحك ونفسي بحمد الله على تمام العافية وان شاء تكبر وتفرحي فيها
وخليها تلبس وتكشخ مثل كل البنات
النظارة مو علة ولا عيب النظارة نعمة

انتي من جدك
ياكثر الاطفال في هذ الزمن على نظارات
احمدي الله انها مو مريضه مرض مزمن او عضال
بنات اخوي اغلبهم نظارات وهما اطفال بعمر الروضه
عادي وطبيعي معنى ان امهم وابوهم عيونهم تمام
بس قسمتهم كذا
انتشروا اطفال النظارات وبالعكس صار الطفل اللي لابس نظاره شكله برستيج وكل الاطفال معجبين فيه ويلاحقونه
هذي اللي تتكلم كذا يانها ناقصة عقل او كلبه

يااختي والله اني مستغربه منك جدااا
معليش اعذريني بس والله انك مكبرة الموضوع ..
نص الشعب لابس نظارة وعندهم مشاكل بالنظر ..
الصغير والكبير ..
يعني الموضوع مررررة عااادي ..
والناس اللي حولك مثلك اووووفررررر
يابنت الحلال ترى الوضع مايستاهل كل هالحزن والصياح ..
وزوجه اخوك مهي صاحيه ايش هالكلام الفاضي ..
كلامها مو كلام انسان واعي وعاقل ..
لاترخين اذنك لكل واحد ..
يااختي ارحمي نفسك وعيالك .. مايصير كذا
الله المستعان ..