مافي استيعاب ؟ مو قادره احفظ ؟ ابي حل شسووووووي؟؟؟

وعليكم السلام ورحمة الله وبركاته

حبيبتي
يكمن اختباراتك كانت ورا بعض
فتعبت نفسيتك
من رأيي
لو ترفهين عن نفسك شوي
تتروشين قبل ماتبدين مذاكرة
خذي كفايتك من النوم
تاكلين زين
وابعدي عن المنبهات

و أهمممممم شي
لا تحبطين نفسك
دايما رددي بنفسك
أنا حافظة
أنا قادرة إني أجيب درجات عالية

وادعي ربك وتوكلي عليه
الله يوفقك

جزاك الله كل خير حبيبتي بس مشكلتي بالتركيز وصحيح اختباراتي ورى بعض

واحس اني مشتته ذهنيا ومو عارفه احفظ ولا افهم !!!!

وفعلا الاحباط مسيطر علي الف بالميه لاني يأست من مخي !!

ربك يعين الف شكر حبوبه

لاحد يضحك عليك ويقولك كلي حبووووب
انتبهي مافي شيء زي كذا

وكلنا مرينا بهالحاله....

انتي الي طير المعلومات من راسك
كلامك هذا
انتي اعطيتي لمخك اوامر من دون ماتدرين انك مارح تستوعبين....
وعقلك الباطن خزن هالشيء

شفتي ردك الي فوق يثبت هالشيء

شفي اي شيء قريتيه..وعن فهم..لاحظي عن فهههههم...
مارح يروح تراه بعقلك...


شيء ثاني دايما قولي لنفسك كل خلق الله يدخلون ويمتحنون ويخرجون...وش معنى انا الي وقفت علي
تعوذي من ابليس هذي رهبة بس وخوف..لا اكثر ولا اقل...
هذاك بسم الله عليك تخشين النت وتردين ومافيك الا العافيه


اقري الشيء بفهم..يعني حاولي تفهمين الكلام وارفعي صوتك وانتي تقرينه
وحتى شاوري بيدك..كانك تدرسين نفسك
وخذيها متعه...ولاتعبتي قومي شفي لك تلفزيون ولا سوي لك عصير وردي الغرفه
وخلي الاناره عاليه..ولا تنسدحين عالسرير مثل اختي
لا اجلسي عدل على المكتب...وبسم الله
وقولي اللهم لاسهل الا ماجعلته سهلا سبحانك إن شئت تجعل الحزن سهلا

ويالله الصفحه الي بعدها...وامشي بالدور...ولي التمارين وعلى اقل من مهلك...
مابتاخذين الا الي ربي كاتبه لك


وهونيها وتهون وانا اختك كلنا مثلك....لا وبعد مواد اخس...واصعب
فكري انك مو بس لوحدك...كل بيت من البيوت الي جنبكم فيها بنات وشباب زيك يذاكرون...يذاكررررون..


:) والله يوفقك يارب

بعدين بقولك شغله
حاولي كل يوم تقرين لك جزء بالقران ولو حتى سورة
سبحان الله تلاقين نفسك...تحفظين بسرعه

شوفي اهم شي قبل الحفظ تستوعبين الكلام الي تقرينه وتفهمينه زين عشان لو ماقدرتي

تذكرينه تعبرين عن معناه من عندك وبعدين وقت المذاكره مايكون ساعات متواصله لا حاولي

يكون في فاصل وغيري المكان الي تذاكرني فيه وخلي ذهنك مرتااح لاتفكرين كثير با الأسئله

وتحبطين نفسك سوي الي عليكي والباقي على الله والله يوفقك يارب