مافي امتياز. يعني انا فاشــــل

شوفي اختي

يجب ان تعلمي ان الدراسه بالجامعه تختلف كليا عن ايام الثانوي بشكل كبير جدا

كم من متفوقه بالثانوي انصدمت بالجامعه ؟؟

وكم من عاديه بالثانوي تفوقت بالجامعه ؟؟

نظام الجامعه غريب وفيه من الاجحاف والظلم العجيب

عليك ان تعي ذلك جيدا ومالك الا الصبر والمثابرة والاجتهاد والدعاء بالتوفيق

نظام التعليم بالجامعات ظااالم للكثير من الطلبه والطالبات

وتختلف الدرجات والمعدل على حسب ( مزاج ) الدكتور او الدكتوره ! ! !

بامكان الدكتورة ان ترسبك او تخفض معدلك او ( تحرمك ) ولا احد يقولها شيء

حتى عميد الكليه ليس له سلطه على دكتور او دكتورة الجامعه ..

وهذا يختلف كليا عن ايام الثانوي والمتوسط ..

عليك الاعتماد على نفسك - بعد الله - وان تكون علاقتك بالمحاظرات او الدكتورات سمن على عسل

وان تبتسمي في وجوههن .. وتلبي طلباتهن .. وحبوبه عندهن .. حتى تدخلي مزاجهن .. وبالتالي تنجحي بمعدل مرتفع ..

هذا نظام الجامعات بالسعوديه ..

اذا عليك الصبر والدعاء ومسح كل ما هو يربطك بالثانوي من معامله جيد بالمعلمات وغيرها وتبدأي حياة جديده ومختلفه بالجامعه .. ويجب عليك الا تنصدمي لاي شيء يحدث مستقبلا لك - بل - عليك ان تتوقعي كل شيء بدون سابق انذار ..

اذا استمري على عطائك واجتهادك ومثابرتك واسلوبك والباقي على الله واكثر الدعاء بالتوفيق ..

شوفي أختي لازم تتعودين على الاحباطات في الجامعه
وأما إذا كنتي في التربيه فبلدي أحاسيسك على الآخر وأرضي بكل مايجيك ولا تقولين ولا كلمه لأن ماراح تلقين من يسمع أو يجيب:44:

أختي أنا شفت شي مايعلمه الا الله:06:
تخيلي ماده كنت متميزه فيها وبعد الامتحان رحت للدكتوره وراجعت معها الاجابات طيب قالتلي ممتازه وبعد فتره شافتني ماشيه ونادتني قالت ورقتك حلوه
ويوم جت نتيجتي لقيت الدرجه اللي بالتقرير (وهو اللي يسلم للطالبه ) جيد جدا وكنت متوقعتها على كلام الدكتوره ولما جيت أنقل واحتجت ملفي وفيه طبعا الإشعارات الأصليه والقى إشعاري الأصلي سقوط بهالماده !!!!!!!!!!!!!!!!!!!!!!!!!! وشلون هالاختلاف وليه الله اعلم عاد لا تسألين:29:

التربيه عندنا فيها من الفوضى والتسيب مالا يعلم به الا من مروا بتجارب
التربيه بحاجه لتربيه على الانصاف والعدل

شجبت واتنكرت لكن مامن مجيب:(

لذلك تركت التربيه لأهلها
الله يعينهم ووالله اني اتابع أخبار زميلاتي الحين وأرحمهم تخيلي اللي نجحت منهم الترم اللي فات تحلف لي وتقسم انها طالعه ماااااااااااااااحلت وان زميلتها حاله وتعلمها وتهاوشها تقوللها حراااااااام عليك الأسئله سهله ليش ماحليتي ياعمري مصدقه ان الحل ينفع مابعد تكتشف الحقيقه المفجعه:44:
تقول نجحت وهي سقطت:06:


نظام التعليم عندنا فوضى ويعتمد على الدكاتره وشخصياتهم لكن رقابه على الأجانب انصاف للطالبات من المسؤلين ماااااااااااااااااااا فيه مع كل أسف


اللي فعلا اسمع انهم منصفين جامعة الإمام قمة في التعامل الراقي واحترام الطالبه وانصافها واعطائها حقها


وحده هناك تحكي لي تقول مره قدمنا اعتراض على تقسيم الماده على دكتورين تقول قلنا بنقدم ياتصيب ياتخيب تقول ماكنا متوقعين تلقى اهتمام قلنا بتنحط بأحد دروج المكاتب ومتى تنتفتح عاد تقول تفاجأنها بوكيل الكلية من بعد كم يوم من تقديم الورقه يطلب إلغاء للمحاضره ولقاء مع جميع القسم ويسألنا عن هالمشكلة وهل يمكن نتحملها أو تأثر علينا واذا فيه اي مشاكل ثانيه

ماودي احطمك يا أختي بس من تجربتي وتجربة زميلاتي بعلمك عن نظام الدراسه الجامعيه عندنا عشان ماتنصدمين ولا تتوقعين ان المجهود والامتياز راح يحقق كل طموحك لازم احباطات وأهم شيء زي ماقلتلك تتوفقين بدكتورات طيبات ويعطونك حقك
وتشاركين يعني تثبتين وجودك عند الدكتوراتوهذا مهم جدااااااااااااا عشان يحطون لك اعتبار بالتصحيح بعضهم يأثر عندهم هالشي وبعضهم الله لا يبلاك فيهم من الأجنبيات المعقدات اللي تستغربين وش يبغون وتحسين مافيهم اخلاص وجايين تحصيل راتب وبس




والله يوفقك وانشاء الله ماتمرين باللي مريت فيه

على طاري الجامعه

اقولك قصه لصديقي

صديقي ممتاز جدا

يوم انتهت الامتحانا وجد نفسه راسب في مادة واحده وحملها ! !

لكن المصيبه انه ما درس هالمادة ولا اختارها في تخصصه ولا يعرف عنها شيء

بالصدفه انت راسب في هالمادة

راح اشتكى قال انا ما اخترت ساعات الماده ولا هي من ضمن منهجي الدراسي ولا من تخصصي ولا اخترت ساعتاه اطلاقا

قالوا خلاص انت راسب واحمل الماده معك


راح لمدير الجامعه وكتب معروض كبير شكوى

قاله مدير الجامعه : ما بيدي حل لا زم تحمل المادة لانك راسب فيها ! ! ! !

وصديقي اصلا ما اختار هالماده اطلاقا ولا يعرفها ومع ذلك رسب وحملها والشكوى على الله وهي السبب في هبوط معدله التراكمي ..


شفتي الفوضى بالجامعات ؟؟؟

اذا يجب الا تنصدمين وتفركين انها مثل ايام العز والوناسه بالثانوي

اشكر تجاوبكم

لكن
انا اقصد نفسي

ممكن اكون شي.. مميز وناجح

والا لازم اصير متفوقه ؟؟؟ :)

لا لا تعلقين التميز على التفوق والامتياز
لأنك ممكن تبذلين مجهود كبير و قد لايتحقق لك التفوق والامتياز(أما بسبب فوضى التصحيح وانعدام المراقبه فيه أو بسبب دكتوره معقده) فلا تنصدمين ..ولا تلومي نفسك وتأنبيها وانتي ماقصرتي خلي عندك قبول لهالشي وفكره من البدايه
مع ذلك ابذلي كل جهدك ولا تتراخين لكن قصدت انك تحطين في اعتبارك احتمال لكثير من الاحباطات في الجامعه عشان ماتصابين بصدمه وخيبة أمل
والتميز يتحقق بأشياء كثيره غير التفوق والامتياز
:)