مافي شئ اسمه عنوسه وانا اتحمل مسؤلية كلامي ..ادخلوا يلي تقولوا عن نفسكم عوانس!

السلام عليكم ورحمة الله وبركاته..@

بسم الله والصلاة والسلام على رسول الله عليه وعلى آله افضل الصلاة واتم التسليم ,,


اخواتي الكريمات ( الآنسات) .. حبيبات القلب .. و ازهار البيوت .. ليه الحزن ؟! ليه الضيقه؟!.. ليه الكآبه؟!..

ماسمعتي.. ان بعد العتمه نور!

وان الضيق بعده سعه..

وان الصبر مفتاح الفرج..

ابسألك..!

من قال ان في شئ اسمه عنوسه ؟!

اييه من قالك ..؟!

وانا ابصم لك بالعشره مافي شئ اسمه عنوسه..؟!


والله مو كذب واتلاعب في مشاعر احد لكن هذي الحقيقه كل وحده فيكم متوهمه ان في شئ اسمه عنوسه!


انتي مو مصدقه طيب تعالي اقنعك؟؟!


كم وحده تعرفينها للأبد ماتزوجت.. يعني ابدا ابدا ماتزوجت؟؟؟؟؟؟؟؟؟؟؟؟؟!!!!! .. انا متأكده بتقولين مافيه.. واذا فيه نااااااااااادر..

صح ولا لا ؟؟! اذا فينها العنوسه؟؟؟!


طيب سؤال ثاني عشان اقنعك اكثر ......

كم وحده تعرفينها تأخرت في الزواج وتقول عن نفسها انها عانس وبالأخيييييييرما تزوجت؟؟!كثيييييييييييييييييييير صح ولا لا؟؟ اكيد بتقولين صح.. اذا وينها العنوسه..



اذا ويـــــــــن المشكــــــــــــــــــــله؟؟؟؟؟؟؟؟!!!!!!!!!!!


اخواتي الكريمات همسه في اذن كل وحده فيكم.. وافهموني زييييييييييييييين

الزواج قبل كل شئ نصيب ورزق من عند رب العالمين..

ولكن الزواج مسألة وقت لااقل ولااكثر ويحتاج منك الصبر..


النصيب يااخواتي مايعرف ( العمر-او مستوى دراسي- او جمال الشكل اواو او .. الخ من اسباب الثانيه)) الكلام هذا خاطئ جدا..


كثير مانسمع هذي العبارات ( سوق المعلمات ماشي ) او ( الحلوات هم اللي يتزوجون).. وغيرها من العبارات..

ورغم انك لو انصفتي مع نفسك راح تلقين زي ما الحلوه متزوجه كذلك اللي موبحلوه متزوجه.. وزي ماتشوفي الموظفه متزوجه كذلك العاطله متزوجه..

اذا المشكله مو هنا ....اصلا مافي مشكله من الأساس .. لكن المشكله مافي صبر..


من الخطأ جدا اذا تفكرين ان بمجرد ماتتخرجين تتزوجين زي صديقاتك على طول..

ومن الخطأ اذا تفكرين انك بعد الثلاثين انك ماراح تتزوجين وان النصيب فقط لمن هم في العشرين...



لأن هذا النصيب مو انتي اللي تحدديه..



ياحبيبات قلبي لازم تفهمون زين ان الرزق يجي الله اللي يختاره مو انتي .. الله يختار لك اليوم الفلاني بتاريخ الفلاني انك تتزوجين الشخص الفلاني . انتهى.


لايروح تفكيرك بعيد ولاتوسوسين .. اصبري ثم اصبري ثم اصبري والله بيجي النصيب لكن لاتستعجلين ..

انا اعرف كثيييييييييييير تزوجوا في سن متأخر .. اعطيك بعضهم..

اعرف وحده تزوجت عمرها 34 سنه غير جميله وغيرمتعلمه تزوجت من شخص اكبر منها بكم سنه عزوبي وجابت منه اولاد..

واعرف وحده عمرها 28 سنه ( سن غير متأخر لكن في نظر بعض البنات متأخر) غير جميله ومتعلمه شهاده ثانوي وتزوجت في عيد الفطر برجل عزوبي وماشاءالله مبسوطه.

ايضا قريبه لي غير جميله سبق وتقدم لها خاطب ورفضها والآن تزوجت بواحد عزوبي اكبر منها بكم سنه وذو منصب عالي واللحين معاها ولد.


كلنا وانا منكم كنت اقول نفس كلامكم متى اتزوج شكلي ماراح اتزوج مع اني ماشفت احد للأبد ماتزوج!!

بس الوسوسه وهاجس الزواج بعيد عنكم :42:


والآن انا متزوجه والحمدلله ومعاي اولاد..


واسأل الله ان يرزقكم بالأزواج الصالحين يارب .. وسلامتكم :)