حبيبتي ام عمر
اول شي احمدي ربك مليون مره ان ربك بيرزقك بمولود

بعدين بنتك بعد شهر بس بصير عمرها سنتين يعني الفرق زين ومناسب

ثالثا اعتقد انه ضيقت الصدر الي فيك من تغيرات الهرمونيه الي تصير بجسم الحامل مو من انجاب الطفل نفسه

الله يخليلك اينك وبنتك ويرزقك بطفل سليم معافى صالح وانا متاكده يوم اتشوفيه بين ايديك بتندمي على اللحظه الي الي زعلتي فيها انك حملتي

خبري زوجك وفرحي وتقدري تستني للثالث عشان اتخبري امك والناس ما فيها شي

ولا تقولي انا ما اعرف كيف حملت لانه بالاصل مو انت الي يقرر كيف او متى تحملين هذي مشيئة الله سبحانه وتعالى
وما يجوز تعترضي

يالله طلعي من بالك هالسوالف الي مالها داعي وانضمي لمواضيعنا وشاركينا افرحنا ومشاكلنا وفيدنا من خبرتك واستفيدي معانا

الف مبرووك ياقمر ع الحمل
وكالعاده الي تتفاجا امه بحملها فيه وتتضايق تحبه اكثر شي ترا :D
وسبحان الله يكون اكثر ابنائها بر فيها تصوري

بعدين ياقمر ماشاء الله متى كنتي ناويه تحملين دام زوجك نفسه تحملين
إذ وصل عمر بنتك كم ؟؟

سنتين ماشاء الله حلو وعقبال ما تولدين يكون عمرها ثلاث سنين الا كم شهر يعني ترتيبك بالمره حلو ماشاء الله

فاوسعي صدرك وتذكري ان اي اكتئاب او ضيقه صدر او اي حساسيه كلها بسبب هرمونات الجسم الي تنحاس بوقت الحمل فاتوكلي على ربك وكثري من ذكر الله والاستغفار والدعاء

وبالتوفيق :26:

..

.

السلام عليكم ورحمة الله وبركاته

الله يبارك لك يا أختي ويسهل عليك ويفرج همك

توكلي على الله فهو بيده كل شيء ... وهو المسهل لكل عسير ...

واحتسبي الأجر في أبناءك ... واجعلي نيتك أن تربي أبناء يذكرون الله ويعمرون الأرض بالذكر والطاعة ... ويكثرون سواد أمة محمد يوم القيامة ..

أخواتي ... مع احترامي لآراء الجميع ... المواضيع من هذا النوع هي التي تجعل الأخوات ينادون بالفصل .. وأنا من المؤيدين لذلك ... ولكل رأيه..

اختي لا تضايقين نفسك انتي خايفه انك تزيد عليك المسؤوليه ويزيد تعبك مع الحمل ورعاية العيال بس اختي توكلي على الله
والله انا حملت ببنتي الثانيه على الاولى من طلعت من الاربعين ووكلت امري لله وكان حملها متعب جداااااااااااااااااا غير اني توني والده وبنتي صغيره وانا بكر بس اختي والله لما اتذكر اني كنت بصيح يوم حللت وطلعت حامل استغفر ربي واندم مع اني ماصحت بالعكس قلت حق زوجي وفرح جداااااااا وام زوجي ماقصرت ساعدتني في العنايه ببنتي وكانت ولادتها اسهل ولاده لي وجات بنت قمررررررررررررررررررر الله يبارك فيها ويخليها هي وخواتها
وبعدين كل سنه وشوي احمل بناء على رغبت زوجي بس اختي المال والبنون زينة الحياة الدنيا توكلي على الله واحمديه واشكريه على هالنعمه لان غيرج وايد محرومين منها انا ادري انج خايفه يزيد الحمل بس ماعليه ليش الجنه تحت اقدام الامهات وكل شي باجره انشالله
ويابنات حرام عليكم اذا كان الكلام من فضه فالسكوت من ذهب انتو ماتدرون بالبنت وظروفها ونفسيتها وقدراتها وهي ماوكلتكم قضاه تحكمون عليها هي طلبت النصيحه او الاحساس باللي تحس فيه وانتو على طووووووووول هجوم !!!! اتقو الله في انفسكم

الفراشه الماسيه
][
بارقة خير
غرشوب رعبوب

مشكورات خواتي ، والله ان ردودكم اثلجت صدري ، هذا اللي انا كنت محتاجه له ، ماتتخيلو شكر الدموع اللي تنزل من عيني وانا اقرى ردودكم ، احس ان قلبي برد بكلامكم
ربي يحقق لكم مبتغاكم يااااارب وينولكم اللي في بالكم دنيا واخره ان شاء.


غرشوب رعبوب
والله انك حسيتي فيني ، ماتتخيلي شكثر ردود البنات اللي قبلكم عورلي قلبي وزاد ألمي