ماقاله الدكتور بندر عبدالكريم والصفيان

السلام عليكم ورحمه الله .. يا اخواتي اكتب لكم وماتدرون اللي فيه من هم . انا متزوجه من ٧ اشهر بس عمري ٤١ سنه . وهبت حياتي كلها لابويه اللي مرض ووقتها كان عمري ٢٢ سنه . وكنت اصغر ابناءه والكل مان متزوج وقتها الا انا كنت صغيره وادرس في الكليه .. كنت متعلقه في ابوي بشكل جنووني . ابويه مرضه خلاه شبه مقعد كنت انا اللي اعطيه ادويته وانا اللي كنت احممه .. لانه كان يقول لامي انتي ماتعرفين تحمميني زين زي منيره .. خطبني كل الاصناف اللي تجي على بالكم .. الغني والفقير المنصب المتعلم واللي على قد حاله ابناء الاسر الكبيره والعاديه وبكل مره كنت انخطب فيها كان ابوي وامي يلحون علي اني اوافق مرات اضغط على نفسي واوافق بعدين اجلس ابكي ما اتحمل فكره اني اترك ابوي واقعد ابكي الين امي وابوي يبكون معاي وتتفركش الخطبه .. كنت دوم اقول لنفسي مافي رجال يستاهل اني عشانه اترك ابوي بضعفه مو بس كذه وتركت الجامعه لان ابويه احتاج للسفر والعلاج وضاعت دراستي وانا مع ابوي لان ابوي اغلى من كل شي .. طبعا ابوي ماعنده الا ولد واحد ومايقصر طبعا في انه يودي ابوي للمستشفيات ويروح معاه بس كخدمه ورعايه انا كنت اقوم بهالمهمه وزادت حالتي وتعلقي في ابوي اكثر واكثر بعد مضي سبع سنين على مرضه لما قال الدكتور ان حياته ماراح تطول اكثر من ٦ سنين ويموت وممكن مع الرعايه والاهتمام تزيد فتره حياته عن ست سنوات .. تعلقت فيه اكثر .. وصرت اهتم فيه اكثر وكنت احاول اخلي الست السنين احلى سنين حياته ..
وعاش ابوي. فوق الست سنين سنتين يعني يعني ٨ سنين .. ومات وعمري ٣٨ سنه .. وتزوجت انا بعمر ٣٩ سنه وتطلقت وتزوجت الان لي ٧ اشهر بس للاسف للان ماحملت دوم اقول يارب انا ماخليت ابوي فرزقني بالضنا اللي مايخليني
بس الدكتور بندر والصفيان وحتى جوهره المطوع يكروها بوجهي قالوا مخزون التبويض حقك ضعيف معدله صفر فاصله ١٥ . وقال تلقيح المجهري نسبه فشله عاليه
ممكن تحملين طبيعي لكن برضه بنسبه ضعيفه جدااا
وقال الدكتور بندر حتى تفجير بويضه وتنشيط ماينفعك
لاتروحين ولاتجين ولاتدورين خليها على ربك
الغريب ان مخزون المبيض ضعيف وتحليل هرمون fsh عندي سليم ومرره ممتاز ويدل على خصوبه معدله 4.5
كيف صارت كذه ؟؟!!!
وماعندي الا بويضه واحده مايطلع المبيض غير وحده بس
يا اخواتي معقول حتى التفجير والتنشيط مايصلح لي
طيب دلوني وين اروح ؟؟ هل فيه دكتورات ترشحونهم لي عالجوا حالات مثل حالتي
والاهم من هذا كله ابي دعوووتكم ابي الدعااءءء لي
ابغى دعاؤكم لي بظهر الغيب لانها مستجابه تكفون لاتخلوني