انا بشرتي مختلطة مايلة للجفاف أول شي بستخدم المقشر اليومي من جونسون وبصير الوجه ضاوي

وعم يلمع لمع وبعده مباشرة بوضع الكريم المرطب اذا ما عندي مناسبة بكتفي بس اذا في مناسبة

بوضع كريم الأساس بعد كريم الترطيب...اذا كان وجهي كتير باهت ومطفي وبحاجة لشي أقوى ممكن

حط كريم اضاءة من كلارنس اسمه بيوتي فلاش بالم......:26:

مرحبا خواتي انا الحمدلله وجهي كان احسن ما يكون لكن جت فتره وجهي ما اعرف شو صار فيه يتقشر وفي حبوب وجاف مع اي مرطب او كريم اساس استخدامه ما اعرف شو الحل دلوني ارجوكم

نصيحتي اذا تبين بشره نظره و صافيه.. لازم ايكون عندج هالسبع اغراض:

1. مقشر اسبوعي
2. قناع مرطب او مغذي حسب نوع بشرتج
3. ميلك و تونك لتنظيف البشره
4. غسول ايناسب نوع البشره
5. الكريم المرطب اليومي
6. كريم الليل
7. كريم معالج.. حسب المشكله اللي اتعانين منها حبوب او هالات إلخ

انا نوع بشرتي جافه و حساااااااااسه

1. بالنسبه للمقشر اقشر بشرتي مرتين ف الاسبوع --> اذا تبين ماركه استخدمي مقشر من لانكوم واذا ما تبين ماركه اشتري مقشر همالايا تقشيره رهيب و يعطي نظاره للبشره.

2. بعد المقشر مباشره حطي القناع المناسب لبشرتج.. انا استخدم قناع مرطب لأنه بشرتي جافه.. والقناع من ماركة شانيل.. روووووعه و يرطب بصوره رهيبه.. عندي من لانكوم بس ما عيبني احسه لزج و من جيرلاين نفس الشي بعد.. يعني اذا بشرتج جافه اشتري القناع من شانيل و انتي مغمظه.

3. الميلك و التونك انا استخدمه قبل النوم.. طبعاً حاطه مكياج ولا لا استخدميه كل ليله قبل النوم.. اول شي الميلك و عقب التونك و بعدها كريم الليل..انا اللي استخدمه من لانكوم.. وجربت بعد مال لوريال و جونسون و جيرلاين.

4. الغسول هذا استخدامه يومي.. يعني كل يوم الصبح غسلي ويهج او يوم تتسبحين مثلاً.. وانا استخدم غسول من لوريال خالي من الصابون و في من جونسون و انواع وايد اتحصلينها ف الصيدليه او السوبرماركت

5. الكريم المرطب طبعاً يوميا بعد ما تغسلين ويهج بالغسول.. وقبل لا اتحطين الماكياج.. وكل وحده حسب نوع بشرتها اذا كانت دهنيه او جافه.. مرطب لانكوم حلو.. و جيرلاين و غير الماركات دوف منزلين مرطب يديد وايد حلو.. انا استخدمه حالياً.

6. كريم الليل مثل ما قلت قبل النوم و بعد الميلك و التونك.

7. الكريم المعالج انا استخدم كريم للهالات احطه قبل لا انام.. يخفي الهالات و يريح العين و يخفي اي انتفاخات بتحصلينه في اغلب الماركات المعروفه.. انا استخدم حالياً من كلينك..


ادري طولتها وهي قصيره بس صدقيني التزمي بهالسبع او الست خطوات و خلال اسبوع بتلاحظين الفرق و النظاره في بشرتج.. و بستمتعين بالهاشي يوم بتشوفين النتايج.. اذكر مره كنت رايحه الصالون اسوي تنظيف بشره واللي اتسويلي التنظيف قالت لي ليش اتسوين تنظيف بشرتج ماشالله مب محتاجه ..لأني الحمدلله دوم اتبع هالخطوات..

جربي وخبريني بالنتايج واي اسئله انا حاظره من عيوني..

بالتوفيق انشالله..

اذا كنتي تبين لون كريم الاساس يكون مناسب جربيه تحت منطقة الفم:42:

قبل ما احط الميك اب بساعة ..أكون حاطة قناع طبيعي..زبادي وعسل وبيض ونشا وخميرة,,
اخليه نص ساعة وازيله بالماء البارد واخذ مكعب ثلج ماء ورد امرره على بشرتي الين ينشف وجهي وارتاح شوي..
بعدين اغسل وجهي بصابون البيزلين..واحط كريم مرطب أنا استخدم يولاي,,
وبعدين انتظر نص ساعة على بال ماتتشرب البشرة الكريم..
والحين تبدأ رحلتي مع المكياج..
_ البيس اللي يناسب بشرتك...( وهو مهم مهم لبشرتك وهو السر في ثبات وجمال مكياجك)
_ الاساس المناسب لك وأنا أساسي اخلط ماكس فاكتور مع كونسيلر عصار من ماك,,
والباقي زي ماتعرفين في خطوات الميك اب
هذي تجربتي واتمنى من بنات حوااء الاستفادة