ماقدرت أتحمل ،، الو انتِ بمكاني ؟؟

السلام عليكم ورحمة الله
صباح/ مساء الخير
مشكلتي او ممكن تكون غير ذلك
مع الحجر والوضع الحالي بيتي مارضي ينظف ابد ابد
مع ان موعد اطفالي للنوم والله الحمدلله منظم
انا اصحى من الساعة ٥ الصباح
جدولي كالتالي
اصحى من النوم صلاة الفجر اصلي وأنظف البيت واذا عندي غسيل او كوي احاول اخلصها واطبخ الفطور
يصحو اطفالي أشوفهم واهتم فيهم
الساعة ١١ ونص او ١٢ انا في المطبخ علشان الغداء
انتهي من الغدا وتنظيف المطبخ والمكان تقريبا الساعة٥
في خلال يومي اكيد الاطفال تغيير ملابس وترتيب العاب ومكان ووووالخ ويأخذوا قيلولة ساعتين او ثلاث وقتها أكون ودي انام وارتاح معاهم وماقدر عندي شغل
وانا ما احب اترك المطبخ ضروري يتنظف بعد الغداء
زوجي نومه قليل يصحى تقريبا ٨ او ٩ ينام في الليل متأخر
وطول اليوم طلبات وان كانت خفيفة
احيان تكون وجبة العشا خفيفة وأوقات نكتفي بشرب الحليب واي شي معاه
الخلاصة طاقتي تنتهي بعد المغرب وما اقدر انام وارتاح
تعبت أعصابي أكون جالسة ومو قادرة أتحرك فيني النوم و اعصب من اي كلمه واي تصرف وكاتمة ماودي اضايق اسرتي واسوي جو نكد في البيت
امس تعبت وانفجرت وطلبت من زوجي خادمة
ولكن في الوقت الحالي وجودها صعب
اخاف تكون مصابة بالمرض كورونا
نفسيتي اصبحت متحطمة ماعندي وقت اهتم بنفسي
احزن على نفسي طول وقتي كرف
الحمدلله ما بغى اجحد النعمة ولكن انا أتعب اتعب اتعب كثير
خاصة في ايام العذر الشرعي عظامي توجعني صرت مافيني أتحرك
الحين انا مخيرة بين الخادمة او لا
من الضغط فكرت اخذ اطفالي واطلع لاهلي