🔹 *احوال الناس في المصائب*
*قال العلامة ابن العثيمين رحمه الله*:
( *الله تعالى قد يبتلي الإنسان بمصائب يختبر به إيمانه، مصائب في أهله أو ماله أو بدنه*،
*ومن الناس من إذا أصابته هذه المصائب عجز أن يصبر*، *وربما ارتد بعد إسلامه وكفر*،
ومن الناس من يصبر ويحتسب، *كذلك قد يبتلى المرء بأمر يسلطه الله عليه*، *مثل أن يسلط قوما يؤذونه بالقول أو بالفعل*أو بهما جميعا*مثل ما حصل للنبي صلى الله عليه وسلم وأصحابه*)
تفسير سورة النور (٩ )
🔹 *هذه الدنيا*
طُبعت على كدرٍ وأنت تريدها
صفواً من الأقذاء والأكدارِ
هل رأيتَ ؟ بل هل سمعت بإنسانٍ على وجه هذه الأرض لم يصب بمصيبة دقت أو جلت؟ الجواب معلوم ، ولولا مصائب الدنيا مع الاحتساب لوردنا القيامة مفاليس
كما قال أحد السلف ؛
ثمانيةٌ لا بـدَّ منها على الفتى
ولا بد أن تجري عليه الثمانية
سرورٌ وهمٌّ واجتماعٌ وفرقةٌ
وعسرٌ ويسرٌ ثم سُقْمٌ وعافية
اللهم أجبر كسر قلوبنا وارزقنا الصبر على ما أصابنا ونجنا برحمتك من القوم الظالمين ...

الله سبحانه وتعالى اعطاك حرية القرار والاختيار
وانتي اللي تقررين متى تحطين حد للماضي وتسمحين برحيله وتتجاوزينه او تبقين عايشته وتجددينه
الصور والمقاطع اللي محتفظه فيها كلها قرارك واختيارك انتي اللي متمسكه فيها وماتبين تحذفينها
وجالسه طول الايام تجددين الماضي وعايشه على اطلاله وذكرياته رغم انه راح وانتهى
فلا تنسبين كل المشاعر السلبيه والتعلق الى الله سبحانه وتعالى وتقولين ليش ماشالها منك وريحك
ببساطه لانك انتي متمسكه فيها ومتمسكه في الصور والفيديوهات والماضي
هو ببساطه قرار شجاع تتخذينه ثم ضغطة زر وحذف لكل الماضي
ثم عيشي الواقع الحقيقي بظروفه واشخاصه الحقيقيين اللي موجودين في حياتك وليس في خيالك
اذا سويتي كذا راح توقفين الصراع اللي حاصره نفسك فيه وجالسه تتلذذين بتفاصيله وناسيه الواقع
اذا سويتي كذا عقلك راح يستوعب ان هذا الواقع وان الماضي راح بحلوه ومره
وعقلك راح يستوعب ان هذا امر الله قد وقع ولازم اتعايش معه
كل ماتصارعتي مع الواقع ورفضتيه وجلستي تقولين لازم اعرف السبب لازم اقتنع صدقيني ماراح تقتنعين لو يحطون لك اسباب الدنيا كلها لانك اساساً خلاص تنحتي بسبب انك تعلقتي وحصرتي اسباب السعاده في اشخاص
عشان كذا لما طار منك هذا السبب ضعتي لدرجة مو قادره تلقين سبب يسعدك ويعطيك نفس الشعور اللذيذ
وثقي تمام الثقه ان كل شي له وقته ثم يمر وينتهي سواء فرح او حزن او ضيقه
لكن اهم شي انك تقبلين هذا الواقع وتسلمين امرك الى الله وتبذلين الاسباب بإنك تصنعين حياة جديدة
اكتبي لنفسك 5 أهداف على الاقل وابدأي ركزي عليها واسعي في تحقيقها على ارض الواقع
كل مابذلتي مجهود انك تعيشين حياة جديدة بأهداف جديده كل ماساعدتي نفسك تمحين الماضي
واذا تبين الله يقويك ويعينك ويسهل امرك لازم ترضين بحكمه والامر اللي قدره عليك لا تعترضين ولا تجزعين وكأنك تبين تغيرين حكم الله بالغصب وانتي عارفه اكيد ان امر الله اذا وقع فيه حكمه وخير كبير لك ولو كشف لك الغيب ماراح تختارين غير اللي ربي كتبه لك
ومو شرط تعرفين السبب والحكمه اليوم او بكرا لكن ثقي تمام الثقه ان اللي صار خير لك
وبخصوص الاكتئاب كذلك ينطبق عليه نفس الكلام اللي كتبته انتي جددي حياتك لا تنتظرين انسان يجددها لك
انتي اكتبي لنفسك اهداف وطموحات وهوايات حقيقيه ومارسيها
لا ترهقين نفسك بالتفكير وتجديد الاحزان بدون فايده لانك كذا حتى صديقاتك واللي حولك تنفرينهم منك
الوحده ممكن تسمعك 10 مرات لكن بعدها خلاص يتعب قلبها منك وماتتحمل كمية السلبيه اللي فيك
لازم انتي تغيرين نفسك وتفكيرك ونظرتك للحياه
لا الشكوى ولا التذمر ولا التفكير راح يغير شي بالعكس راح تبقين واقفه بمكانك والحياه مستمره والناس تكبر وتتطور وتعيش وانتي متعطله برغبتك محد عطلك ولا ظلمك انتي ظلمتي نفسك ببقائك في الماضي
قوي قلبك وتشجعي واحذفي كل شي حتى لو بكيتي من بعدها راح تستوعبين ان هذا اللي لازم يصير
الى متى تمددين الالم وتطولينه ؟
وش النتيجه اللي راح توصلين لها من تمديد وقت الالم والعيش على اطلال الماضي ؟
ولا شي .. مجرد انك عذبتي نفسك اكثر وقت ممكن
بينما انتي كنتي قادره تختصرين على نفسك بإنك تتجاوزينه وتتخطينه واول خطوه هي الحذف

الخطوه الاولى في مساعدة نفسك تبداء من عندك انتي بدل ما تهلكين نفسك بالبحث عن سبب تركه لك اقتنعي بان الله لم يكتب لكم الاستمرار
وحمدي ربك انه حدث الان وانتي خفيفه من غير اطفال والمستقبل امامك لا تعيشي علا الاطلال وتكثري من استرجاع الذكريات اعتبريه مجرد
شخص اجتمعتي معه في رحله سفر ونزل في اول محطه وانتي مضيتي واكملتي الرحله استمتعي ببقيه الرحله سوف يمضي القطار بك الى
ماهو اجمل باذن الله تعالى مجرد وقت وتضحكين على تصرفك هذا كيف اغلقتي الابواب عليك وحصرتي نفسك بهذه المده القصيره من حياتك
استبشري بالخير والحي بالدعاء والقادم اجمل باذن الله وفقك الله ورعاك

الله يوفق كل من ردت ويسر امركم ويجعل حياتكم توفق وسعاده والخير يصب من كل صوب عليكم ردودكم منطقيه وان شاء الله اسوي اللي قلتو عنه .. ادعووووووولي تكفووونن والله تو بدعي ان ربي يرجعني افضل من قبل وحسيت بيأس استغفرالله العظيم ووماادري ذا عقوه ماقدرت انساه واتخطاه .

الله يبرد.على قلبك..محنة وتعدي
كل ذا بإذن الله ينتهي ويصير ذكريات مالها معنى وتصيري اقوى من الاول..
انسي الماضي او حاولي تتناسيه
امسحي كل الذكريات اللي تأجج شجونك..
وتمسكي بحبل الله أكثر.. كل ما حسيتي بضيقة صلي ركعتين وابكي بين يدي ربك..يسلى قلبك و تنسي وتنزل عليك سكينة سبحان الله!
يارب تتجاوزي المرحلة هذي بسرعة ويعوضك بسيد سيده
اكيد الله كاتب لك الافضل
خيرة حبيبتي..