ماقدرت احبهم 😔

عندي مشكلة وكثيررررر متعبتني وهيا اني ماني قادرة احب امي وأبويا ولا ابغى ازورهم ولا اكلمهم
والأسباب كثييييييييرة طبعا مااقدر اسردها كلها بحكيلكم بعضها اولا انا ماعشت معاهم اتطلقو ورموني وانا بيبي باللفة وكل واحد منهم راح يشوف حياته اثنيناتهم اتزوجو وخلفو ونسيو ان عندهم بنت امي اتزوجت وسافرت برا وخلفت وأبويا كمان أتزوج واستقر ببيت لحالو وجالو اطفال
انا كبرت عند جدتي وجدي كان جدي مرا بخيل ملابسي اللي كنت البسها اخذها من الصدقة ولا فضلة قريباتي يجيبونها في أكياس زبالة وأخذ منها رغم انهم أغنياء بس ماحد كان يهتم فيني ولا كانت امي تفتكرني بشي مع اطفالها
كنت أتمنى يكون معايا عائلة اذا شفت أبويا وزوجته وأولادهم رايحين مكان ولا جالسين ع سفرة وحدة اجلس أتخيل لو كنت انا مكانهم وأمي معايا
بقولكم نبذة عن تعامل كل واحد معايا
امي ماكانت تدري عني انا عايشه ولا ميته
أبويا كان يكررررررهني والسبب زوجتة بس كانت تفتن عليا هيا وجدتي والله العظيم اني ماكنت اسويلهم شي وأني طيبة وع نياتي كلمة توديني وكلمة تجيبني هذا غير انه اتهمني اني ادخل بيتنا شباب وشافوني معاهم ونسوي ..... إن شاء الله فهمتم وجدي شاهد معاه
جدتي كانت بس طايحة فيني ضررررب وسب وقذف وتطردني من بيتها بنص الليل اضطر أنام بدرج ولا أسطح
أهل أبويا كانو يفشون خلقهم فيني بس انضرب وأتهزأ منهم وأخوات أبويا كانو بس يستهزؤون فيني وكنت مثل الخدامة بس اشتغلهم
ولا كنت اطلع ولا اروح مكان بالاجازات عماتي يجتمعون وعزايم وزوجات وانا محبوسة بالبيت وكنت محرومة من كل شي حتى لو جدتي شافت عندي مجلة تأخذها مني يا ترميها ولا تعطيها بناتها
كان عمي بس يضربني ومرة حصل مشكلة اني كنت اطالع بالتلفزيون ومارتبت المكان اللي كنت جالسه فيه قام عمي عصب وكان يشرب شاي وقام كبه بوجهي آآآآآآآآهـ يابنات تعبببببببببببت منهم وعانيت كثير وودي احكي واحكي وأقول كل اللي بخاطري بس صعب مااقدر ارتب أفكاري ولا بأقدار احكي حياة 20 سنة من الذل والضرب والاهانات حسسوني انهم أخذوني من الشارع من معملتهم السيئة ليا
وانا الحين اتزوجت ماابغى أزورهم ولا اسأل عنهم اكرههم مو بيدي شايله بقلبي عليهم بس أخاف ربي يحسبني أخاف من عقاب ربي
حتى زوجي لمن اتزوجني بدال مايوصونه عليا قالو اضربها هيا ما تمشي الا بالضرب وفي زواجي امي ماكانت تبغى تحظر ولمن حظرت كأنها رايحة عزا معنها تحب الكشخة والشياكة ولفت الانتباه بس لمن حظرت زواجي وربي ولا نقطه مكياج ولا حتى اتعنت وسشورت شعرها وابويا كان يقول بأخذ زوجتي وبنسافر برا بس طبعا الكل قاله عيب الناس ايش بتقول عننا
ولمن التزوجت افتكروني ليش مااسأل ليش ماازورهم وامي صارت تبغى تتحكم بحياتي وابويا تو يتذكرني ويسأل ليش ماازورهم يقولون مو عشان شي بس عشان أهل زوجك لايضحكون عليك يقولون ماعندك أهل واهل زوجي يعرفون مين أهلي وكيف عشت يكفي مره رحت زعلانة عندهم جدي ضربني ألما تزل الدم من جسمي ورجعني لزوجي والدم ينزل مني
والله اكتبلكم وانا ابكي احس اني تعبانه ومخنوقة ساعدوني لو بدعوة