ماقدرت انام من الارهاق

الله يعينك ويقويكي يارب تربيه التوأم ماهي سهله يارب تحفظهم لك وتصلحهم يارب حاولي ياحبيبتي ترتاحي على قد ما تقدري كل ما نومتي العيال نامي وارتاحي شغل البيت ملحوق عليه وصحتكي ادا راحت ما ترجع واهتمي باكلك كلي اكل صحي ومتوازن ويارب تقويكي

اللي عندها طفل رضيع واحد تتعب نفسيا وجسديا فما بالك لو كانوا اثنين
الله يحفظهم لك وكلها فترة وتعدي وحاولي تجيبين شغالة بالساعات تساعدك واذا اهلك موجودين يساعدونك بعيالك شوي

حبيبتي ماذكرتي عمر أطفالك
لكن اتوقعهم فوق عمر السنه
بدايه لازم تنظمي وقت نومهم
لازم ماينامو كثير النهار عشان ينامو في المساء وتقدري ترتاحي بعد ماينامو لو ساعتين


خصصي لهم غرفه لالعابهم عشان يفرغو طاقتهم مع بعض
وشاركيهم ألعابهم لوتجلسي معهم ربع ساعه بس عشان يحبو هالشيء اكثر


بالنسبة لك
حبيبتي اعملي تحاليل لو شفتي نفسك تعبانه مره وحاسه بخمول وألم بعضامك
لانه ممكن يكون نقص حديد او فيتامين د او كالسيوم


لو شغل البيت يتراكم عليك خذي خادمه بالساعه لو كل اسبوعين مره او بالشهر مره
تعزل لك البيت الدواليب وغيره ومافي مانع تساعديها عشان كل شيء يتنظف تنظيف عميق ويصير شغلك بقيه الشهر خفيف وروتين بسيط
كل يوم المساء قبل تنامي امسحي البيت مسح سريع واشطفي الحمامات
الصباح عطري البيت او شغلي فواحه
المطبخ اول باول كل شيء تستخدميه نظفيه ورجعية مكانه
والملابس خلي لها يوم بالأسبوع طبعاً باستثناء ملابس الدوام
والكوي كذالك
او وديها المغسله تنكوي
طبعاً مو كل الملابس تحتاج كُوي زي بجايم الاطفال عادي لو ما انكوت
ودايم خذي دش قبل تنامي واجلسي اشربي شيء تحبينه
واقري لو وجه واحد من المصحف
هالشيء يريح نفسيتك
وبكذا حتلاقي وقت لراحتك ووقت لأطفالك

أتمنى اكون افدتك🌹🌹

فترة وتعدي والله انها احلى فترة انا حاليا عندي رضيعه هي اخر العنقود فحاسة بنعمة هالشعور رغم التعب والسهر

شكر مره على معلومات اعمارهم سنه و6 شهور
ثاني متعود على صدى خلاص يكمل سنتين ماينام الا عندي
حاولت العب عليه احطها شي بحلمه صدرى بس يبكي ولا قدرت اسكته
كل يوم قليل من صدرى احطها جبني بحضني بس مابعطيه
اما اخوه عادى عنده اخليه عند ابوه شكلها عندى نقص حديد وكالسيوم