عظم الله أجرك أخيتي

والحمد لله على كل حال
اللهم لك الحمد كما ينبغي لجلال وجهك وعظيم سلطانك

ادعي لأبوك كثير هذا الي يبيه منك ما راح تنفعه دموعك
واذا على النسيان فالله يعين
هذا وأنتي في بيت ثاني ومتزوجة
أنا والدتي متوفيه لها ثلاث سنوات
وماكأنها غادرتنا
فكل ركن لها بقايا
في البداية كان النسيان صعب
بس بعد فترة
بيكون الوضع أهون
ويعني احنا الي ضامنين أعمارنا كلنا لها
أسأل الله أن يحسن خاتمتنا
ويجمعنا ووالدينا وأهلينا في الفردوس الأعلى
*********************************

الله يصبرج ..أنا الوالد الله يرحمه متوفى من أكثر من 8 سنوات ...ولحد الحين على بالى ترى الفراق مو شئ سهل ,لكن هذا حال الدنيا وتذكرى أنه ذهب للرحيم الى أرحم منا .ويمكن الموت ارحم له.وجذى يهون عليج الفراق .....شغلى نفسج بشئ .....والله عن تجربه منى ....أجلسى مع الناس طلعى ....تسوقى ...لا تشاهدين ,,صوره ترى جذى تتعبين ..... :( ...ولازم تتذكرين أن لا يوجد أحد مخلد فى الدنيا والبركه فى أهلج وأحبابج

وانا مجربه هالشئء وأبوى بعد مات الله يرحمه أمامى في ظروف صعبه جدا :06:


الله يرحمهم ووسع عليهم قبرهم ...ويجعله روض من رياض الجنه ويرحمنا يارب
ويحسن خاتمتنا

الله يغفر له ويرحمه ويسكنه فسيح جناته


والله يصبرك ويزيل حزنك ويسعدك يالغاليه

الله يرحمه ويسكنه فسيح جناته

عظم الله اجرك..ورحم الله ابوك وابوي والمسلمين اجمعين
عزيزتي..
انا لي خمس سنين من توفي ابوي..تخيلي عشت معه ايام المرض اللي حطمني وزلزل حياتي وحطم كل احلامي....ويوم توفي حسيت باحساس فظيع ومؤلم ..احس باحساسك والله يصبر قلبك وقلبي ..
عزيزتي ..
الاحلام اللي تجيك عن ابوك ..انا مريت بها وكان ابوي دايم يجيني وكنت ارتاح لان اشوفه وبعدين
ما راح تنسين ابوك ولا تفكرين تنسينه..ادعيله وتصدقيله..لان هذا الشي اللي يوصله
بقولك علي سر..ادري بتضحكون علي..بس حتي ترتاحين لا تفكرين ان ابوك مات ..قولي انه مسافر وراح يرجع ...كنت انا اقول هالشي لنفسي وكنت ارتاح ..الله يسامحك ذكرتيني ببوي