مدري اواسيك ولا تواسيني ..
كلنا نفقد غالين عليناااا ونحس الدنيا بعدهم ماتسوى شي ..
ننشغل صح .. بس مهما يبقى بالقلب شريان منزوع ..
نعلم ان الموت حق ولكن نجزع .. استغفر الله
يارب قوي ايمانااااا ..
الله يصبرك يالغاليه وماتفقدين غالي ..

السلام عليكم اخواتي الحبيبات
احب اشكر كل من شاركني حزني وقدم لي التعازي (( قدر الله ماشاء فعل ))
ماشاء الله ماقصرتوا معاي
والله ارتحت نفسيا كل مااقرأ لكل وحده ارتاح زياده
والحمد لله على كل حال وفعلا الفراق صعب ومستحيل حد ينساه اذا جدتي الي هي ام ابوي صار لها 13 سنه من ماتت وماقدرت انساها لانها عاشت معانا طول حياتها وبعدين سبحان الله اصيبت بمرض سرطان المعده وانا واخواتي ننام معها في الغرفه وهي تصرخ من الالم تكاد تموت وهذا بعد ماعملو لها العمليه اكتشفو ان العمليه ماناجحه وتمت شهرين في المستشفى وماتت وابوي الله يرحمه ما بكى عليها صبر سبحان الله
والحمد لله على كل حال
ومن ثلاث شهور ماتت بنت عمتي
وبعدها باسبوعين مات شاب يقرب لابوي من بعيد شوي
شاب في العشرينات
كان ياعب كرة قدم ومات سبحان الله
مثل ماذكرتوا هم السابقون ونحن اللاحقون
والله يصبر كل وحده فقدت حبيب وان شاء الله الله يجمعنا معاهم في جنات الفردوس ان شاء الله
وانا مره فقدت من 6 سنوات طفلي التوأم وكنت سميته عبد الرحمن وكانت فرحتنا ماتوصف بولادتهم بس سبحان الله يافرحه وماتمت مات عبدالرحمن ثالث يوم من ولاته وبقى عبد العزيز الله يحفظه لاخوانه واهو الحين صف اول
وعندي صور اله صوروه في المستشفى بعد مامات والصور عندي ومستحييييييييييييييييل انساه طول حياتي ومن فتره طويله شفته في المنام باحلى صوره واحلى وجه وصحته ماشاء الله عليه وكان يبتسملي يالله يارب تجمع جميع المؤمنين والمؤمنات والمسلمين والمسلمات الاحياء ومنهم والاموات في احدى جناتك اللهم ااااااااااامين
واعذروني ان طولت في كتابتي
واعذروني ان لم ارد او اشكركم بسرعه ولكن بسبب مرض طفلي الصغير الذي ولدته في الغربه وسميته باسم ابي ولم اكن اعرف انني سافتقده وانا الان فخوووووووووره جدا باسمه (( سعود ))
بارك الله فيكم وجزاكم الله خيرا
ويكتب في ميزان حسناتكم ان شاء الله
وسوف اسمع نصائحكم بأذن الله
والسلام عليكم ورحمة الله وبركاته

الله يصبرك إن شاء الله

حبيبتي عارفة شعورك ..

أنا فاقدة أمي من أربع سنين .. وكأنها أمس !!

مجرد أي موقف أمر فيه .. أتمنى إنها تكون موجودة يمي .. خاطري اشتشيرها اكلمها ..
إلى الحين اتذكرها .. واتذكر كانت كل يوم تجي غرفتي بعد صلاة المغرب نسولف ونضحك ..
ساعات إذا أصلي صلاة المغرب .. أتخيلها يمي ..
ياليتها ترجع يوم واحد بسسسسس ...


الله يرحمها :(..
ويرحم أموات جميع المؤمنين والمؤمنات ..