صباح الخير
هلا بنات وش اخباركم
سالفتي سالفه اليوم
انا عندي طفل عمره 3 سنين وولدي مثل اي طفل يحب اللعب والوناسه وفيه حقه من الشطانه زي الاطفال عادي يعني مو هادي جدا ولا شيطاني مره
المهم الاسبوع الماضي طحت على ولد اخو زوجي في سادس ابتدائي ماسك ولدي وويوريه اعضائه ومنزل ملابس ولدي انا ماخليته لاغيته ووريته العين الحمرا وهددته ان كررها لاعلم ابوه وعمه وخليهم يتفاهمون معه وخوفته ان كررها لاقطع عضوه واخليه بنت مع اني مفهمه ولدي ومنبهته ان محد يشوف هالمنطقه بس ولدي طفل وولد عمه وعده انه بيعطيه هديه
المهم اليوم شايله هم مررره وعيني علي ولدي وخايفه لاتتكرر هالحركه وماابغى ولدي يتعرض لها الموقف مره ثانيه ويصير هذا شي عادي عنده
دخلوا الصغار كلهم بغرفه قبال الصاله اللي جالسه فيها وعيني على ولدي مادريت الا ولدي جاي يركض لمي وتلحقه بنت عمته كبيره في خامس وجت طقته في ظهره طقه من قوها وربي استفرغ ولدي علي وجاه خمووووول وزي اللي كانه بيغمي عليه وامها جالسه ولاقالت ولا كلمه خذت ولدي وغسلته ورحت الغرفه بغير له الا اسمعها تهاوش على البزران لا حد يطقها ولا تجونها تقصد بنتها ولاتاخذون اشياءها
البنت هذي وحيدة امها واذا جت عند حمولتي في جمعتنا جابت معها العاب لها وتخبرون الصغار اذا شافوا شي جديد ودهم ياخذونه ويلعبون فيه بس هي تجيب العابها ولا تبي احد ياخذها ولا يلمسها ولا يلعب معها
المشكله بيت حمولتي مافيه العاب ابد الا مرجيحه وزحليقه وكذا يعني
المهم سالت البنت ليه طقيتي ولدي الين بغى يموت قالت اخذ لعبتي وماتوقعت انها بتعوره كذا
انا عصبت وقلت لاعاد تلمسين ولدي واذا ماتبين احد يلعب بالعابك لاتجيبينها العبي بيتكم
واحد من البزران راح علم زوجي وقاله فلانه طقت ولدك
المهم بعد مارجعنا للبيت انا مو من طبعي ادخل زوجي بها السوالف سالني شسالفه وعلمته
وعصصصصصصصب تخيلوا عللى مين علي انا
يقول ليش تكلمينها المفروض ماكلمتيها البنت بقره وماتفهم وامها تتفاهم معها في بيتهم اجل تبينها تطقها عند الناس
قلت امها ماقالت لها شي ابدا واذا خايفه على مشاعر بنتها ليش ماخافت علي مشاعر البزران وقت ماقعدت تهاوشهم لاتجونها ولا تجون العابها
والا اخليها الين تذبح ولدي عشان ماتنجرح مشاعرها
واذا انتم تشوفون انها بقره ماتفهم يعني عيالنا ابو سنتين وثلاث بيفهمون وبدال فزعتك مع هالبقره علي قوبتك فهموها الصح من الغلط مب تخلونها على عماها علموها لمصلحتها هي تربت على الدلع والانانيه وللحين تقولون ماتفهم
المشكله مو اول مره تطقه هالطقه اللي علي ظهره
ذيك المره سكت ومشيتها عن قولة انها بزر مانيب حاطه راسي براسها
انا من جد طرطعععععععت
وقلت له سالفه ولد اخوه ذاك الاسبوع وان هالشي بيأثر على ولدي وانت مو هامك اهم شي اخوانك وعيالهم
وربي قهرني زوجي من زعلته مالها داعي ابد
مدري له حق يزعل والا انا حساسه والا غلطت وقت ماكلمت ذا البقره علي قولته
وماقدرت انام من حرة بقلبي وقلت مالي الا صديقاتي افضفض عليهم شوي
يلزم عليك تسجيل الدخول أولًا لكتابة تعليق.
كفاح فتاة
•
ايه عشت بموقفك مع ابوي كان يسوي اشياء زي كذا وعشنا المرارة ايام
يوووه ماله حق يزعل زوجك
لو منك اروح لاهل زوجك وهم ماعندهم احد يعني مو بوقت جمعتهم وكذا انتي اهم شي تسلمي ع امه وابوه
صح مو ملزومه تروحين لهم بالجمعات هذا رايي
والله يفرج همك
لو منك اروح لاهل زوجك وهم ماعندهم احد يعني مو بوقت جمعتهم وكذا انتي اهم شي تسلمي ع امه وابوه
صح مو ملزومه تروحين لهم بالجمعات هذا رايي
والله يفرج همك
ماعندي خبرة في هالامور << عازبة
بس ياحلوه توقيعك مايجوز تكتبي اللهم صلي على رسول الله الصحيح هو (صل) ِ
بس ياحلوه توقيعك مايجوز تكتبي اللهم صلي على رسول الله الصحيح هو (صل) ِ
نور× نور
•
الله يعينك ياربي هالرجاجيل عليهم حركات ما يحسون بالحرمه ما عليكي هو بيعصب حزتها بس بعدين صدقيني بيراجع نفسه وترى ولده ما بيهون عليه ابد ولا بيعدي سالت ولد اخوه اكيد الله يعينك بس ما اوصيك على ولدك هذا الشيء بيظل في داكرته فشدي عليه انه ماحد يشوف هالمنطقه وانه الله يشوفنا ويعاقبنا والله يستر على اولادنا يارب
الصفحة الأخيرة