يالله دعوة حلوة من كل وحدة قبل ما اقوووووول اي شي :D
بصراحة ما احب الثرثرة وايد
بس الي احبه اني افيدكم .. كوني استفيد منكم دايما
رح اثرثر
هذا اول موضوع اضيف فيه خبرتي
لاني ماحب اخذ من الي حوالي شغله وانقلها
بدون ما اكون شخصيا مجربتها
الموضوع مافيه خلطات ولا عطارين ولا من هالخرابيط
الي نتيجتها سواء كانت سريعة او بطيئة ونزغرد على نتيجتها :icon28:
يرد بعدها كل شي مثل ما كان
انا قبل فترة قريت موضوع كتبته بنت من الامارات
حاولت ارجع ارفع موضوعها بس ما لقيته
فحابه ارجع انصحكم بنفس المستحضر
انا بقولكم كل شي عندي .. يعني كل شي اعرفه
يعني الباقي ما اعرفه :D
المستحضر هذا لعلاج البقع الي تتركها الحبوب
من جد روعة يمعنى الكلمة .. انا جربت يميع الادوية والمقشرات
ولما استخدمها اما انه ويهي يتقشر ويطلع منظره مقرف
وبعدين ترجع تطلع حبوب وتترك اثار وارجع اقشر
ويرجع ويهي مقشر بشكل مزعج .. تعبت وزهقت جدا
نص الاسبوع ويهي يمتلي بقع
والنص الثاني كله مقشر :(
لغاية ما يزاها الله خير الاخت دلتنى بموضوعها على هالمستحضر
المستحضر اسمه Gale'nic
مكتوب عليه انه مخصص لعلاج البقع
تستخدمينه مرتين يوميا على مكان البقعه
لونه وتركيبته مثل الفاونديشن وفيه درجة حمايه
وريحته اوكي وهو صناعة فرنسية ..
مكتوب في وصفته انه يقضي على البقع خلال 17 يوم تقريبا
بصراحة انا ما كملت اسبوع وشوي الا والبقع زالت
وهاي الصـــــــورة
انا تعبت لغاية ما لقيته في صيدلية ونسيت اسمها
بس بعدين رجعت لقيت في صيدلية ابن سينا كل مستحضرات هالماركة
وانا اشتريته ب 140 درهم تقريبا .. غالي ونص المعصار فاضي (هذي الصفة الوحيدة السيئة فيه كوني حسيتهم يغشون) وهذا السبب الي خلاني
ما احطيه على كل ويهي لاني قريت انه ينور الويه كله
بس خفت يخلص بسرعة خخخخخخخ
لكن بامانه يا بنات بعد ما استخدمته ما تتصورون شلون
حسيت اني قاعدة ادلع نفسي فيه كل ما تطلع حبه خاصة اوقات الكم يوم
في الشهر الي يمرون علي .. ولا يهمني اكون مطمنة على الاخر
واذكر وحدة من البنات قالتلي انها رح تحطي عينها على بقعه
وتقعد تراقبها بويهي .. واتحدتني .. لانها انقهرت مني
كون المستحضر بــ 140 وانا ما ادري بيفيد او لا
والحمد الله أنا كسبت الرهان :)
شافتني بنت وسالتني شلون عالجت بقعة غامقة جدا على ويهي كانت
وكلمتها عن المستحضر
وقالتلي انه حتى امها تستخدم مستحضرات هالماركة
والكل يسالنها سر صفاء وشباب بشرتها وتوحد لونها
يعني البنت مو مهتمه بالمكياج وهالخرابيط لكن تعالوا شوفوا امها
عجب خخخخخخخخخ
بنات انا من الامارات يعني ما ادري وين ممكن
تحصلونه بدول الخليج الباقية .. بس دوروا بالصيدليات الكبيرة
يمكن تلاقونه ولا تيئسون لاني من جد
ما خليت مكان واصريت الاقيه .. انا من راس الخيمة
وخليت اخوي يطير العين
يجيبه من صيدليه هناك وارجع (اقول نسيت اسمها) :D
حشى تعبت من الكتابه ورفع الصورة
الموضوع الياي بعد ست شهور بحطيه :D
يااااااااااااارب تلاقونه وتستفيدون منه
وادعولي بلي في بالي