بس كنت حابه اقول حاجه
ماتلاحظو انو من بعد الثورات
العربيه بدأو عندنا يطلعو
الاخبار المستخبيه زي الجرايم
والقتل مع انها من زمان عندنا
والسجون مليانه من تلاتين سنه
واكتر بالقتله والمجرمين وغيرهم
بقصد او بدون قصد
المهم الاجرام ف كل بلد وعندنا
نفس قضية احمد الغامدي وقضية
مغتصبات اطفال جده دي مش جديده
ع البلد بس ماكانت بتظهر للراي العام
والعلن كانو بيخلصوها قوام قوام
من الجاني للقاضي للسجن
مافي شوشره فيها سكتم بكتم
ودحين اختلف الوضع بدأت تطلع الروايح
وصارت على الملا وكل يومين تلاته
منزلين قضيه افضع من الي قبلها
ويحاولو يوصلوها للراي العام
واتوقع انو وراها ناس كارهه البلد
وبدأت تنفث سمها في حزب الراي العام
عشان يهوج ويبدا يقول ليش
القضاه ضدنا وليش كل شي ضد المرأه
ومن دا الكلام يعني اتوقع
الي ورى الموضوع بدأو يبحثو
عن ثغره جديده عشان يزعزعو الامن
والاستقرار ببلدنا
انا افهم كتير بالسياسه وحاسه بكده
بس الله اعلم انو موضوعي حيطير
دحين المشرفات مستنفرين دي الايام:44:
طيب حقولكم حاجه تطيب خاطركم يابنات
انا اعترف انو القضاء عندنا مابيراعي الحرمه
وانا مريت بظروف زي كده واكلت هوا
وعارفه انو حاجات كتيره ناقصتنا
وعارفه انو قضية احمد والزهراني قضية راي عام
وكبيره وتستحق الهوجان بس الي كنت ابغى
اوصلو انو ليش بس السنه دي صارو يعلنو
عن الجرايم دي وبالتفصيل الممل
ليش زمان ماكانو بيتكلمو والجرايد ماكانت بتطلع حرف
دحين حرقو قلوبنا بالاخبار
اكيد فيه سبب عموما الي علينا هوه عدم
الانصياع للعاطفه اذا شفنا قضيه تحرق القلب
ايش نقول غير حسبي الله والحمدلله على
قضاءه وقدره واذا لينا مطالب نوصلها
لولاة الامر بكل هدوء بلاشي الانفعال
والحملات الفيسبوكيه في حاجه اسمها
معاريض بالبريد دي بتوصل وبيقراها الملك
بنفسو يعني اتجمعو يوم واتفقو
ترسلو برقيات بأسم المطلقات حتلاقو
استجابه انا متاكده ان شاءالله
ترى اي زعزعه في الامن بتبدا
بالفيس بوك والعاطفه الهايجه وبعدين
تطور الي مالايحمد عقباه
والسلام عليكم
のrosyの @rosy_4
محررة
يلزم عليك تسجيل الدخول أولًا لكتابة تعليق.
الصفحة الأخيرة
صآدقه بكل حــــررف
على فكره موآضيعكـ دآيم حلوه زيكـ (:
,
لا اله الا الله
استغفر الله العظيم واتوب اليه
,