زمان كان الناس في وضع اجتماعي واحد مافيه احد زايد عن الثاني عشان كذا ماكان احد يحقد ويقول فلان احسن مني
البيوت شعبيات الاثاث زي بعض
الحريم لهم زياره وحده للسوق فالسنه
وهالزياره تروح وترجع مااحد درى عنها لافيه سناب ولاتصوير
عايشين حياتهم زي الاخوان سواء اقارب او جيران
مافيه وسائل اتصال او مراسله يجلسون اسابيع ماجاهم احد ولاراحو لااحد
ولما يجي العيد او زواج يتجمعون يبون يسولفون ويضحكون عارفين انهم يرجعون للبيت ماحولهم احد
عشان كذا قلوبهم ع بعض وحقدهم قليل وحياتهم حلوه واكلهم صحي مايعرفون المطاعم ولامحلات الآيسكريم والحلويات
الضيف كان يجي بدون موعد والضيافه الجود من الموجود قهوه وشاهي وتمر وصلى الله وبارك
وسوالف وضحك
ووناسه
الان قبله بااسبوع يعطيك موعد تجلسين ع اعصابك
وانواع الضيافه والتقديمات
وتصوير وسناب وشكرا لاام فلان جابت لي كذا وكذا
ولو قدمتي القليل نعتوك بالبخل وشوفه النفس
وطول الجلسه تصوير للقهوه للحلا المكسرات تروح الزياره كلها تصوير وعرض
الان كثرت وسائل الاتصال والمراسله جانا تخمه من التواصل صرنا كل يوم نتعرف ع ناس جدد
ونبذنا الاقارب والجار ماصرنا نعرف اسمه يجلس سنين جنبنا ماندري وش اسمه ووش حاله
النت والأجهزة الذكيه خلت الكل صامت والكل منعزل وقلت الزيارات والجمعات وكل واحد يصور وش اكل ووين سافر وش اشترى واللي ما عنده صار يحسد ويحقد ويتجاهل يشوف اللي احسن منه
كانت قناه وحده فالبيت وفتره للاطفال الصباح يجي بباي وزيتونه وتوم جيري وخلاص نقنع ونسكت ريالين فسحه تكفينا وفطور خبز وسمن وعسل تقنعنا
الان حتى الطفل له نت لحاله وايباد لحاله تلفزيون فيه اربعين قناه اطفال والنتيجه توحد وفرط حركه وعصبي ويضرب وطفشان
الايسكريم اللي بنص تحته لبانه ماعاد يجيب راسه لازم باسكن روبنز واكل طلبيه من مطاعم ماكنا نحلم فيها حتى بصغرنا والنهايه سمنه صارو اطفالنا ينافسون الكبار فالسمنه
ياختي الكلام يطول اللي تغير البشر مو الزمن او ب اكثر دقه حاجات طرت ع حياه البشر غيرتهم وغيرت حياتهم
مقوله أعجبتني
زماننا كل شي موجود ولكن لااحد سعيد
وزمان اقل القليل نحصله والكل سعيد

مافي شي يبقا على حاله ابدا

امين يارب

الله يصلح أحوال المسلمين

اجل اللي نشوفهم هذولا بالسنابات ... مين ذولا ؟