اهم شي ولدك يزورك هي ماعليك منها طنشيها ولاتسئلين عنها ان جاتك رحبي فيها واستقبليها وان ماجات بسلامتها

البنات ذا الوقت وجعانات وكسلانات مو مثلنا اول سكن مع اهل الزوج وطبخ وفرفشه معهم في العزايم والافراح

مو الحين تجي وهي مسحوبه ونفس خايسه ومتكشخه على سنكت عشره من برا وش زينها ومن داخل يعلم الله
وماتجي الا على عزيمة خاصة فيه الله يرحم الحال اول القلوب صافية

والمفروض هي اللي تدق عليك بس شوفي لان البنات الحين ماعندهم سناعه دقي عليها وانشديها عن اخبراها واخبر
اهلها عشان ماتقول ماهتموا في ماوجبوني ومن ذا الكلام

يا عمري عليك
و الله انك طيبه و تنحطين على الجرح
اجل شاغله نفسك و تبين زوجت ولدك تسال او تجيك
كثر الله من امثالك
بس طالما هي كا نصيحه عليك بولدك و بس
لا تهتمين فيها ابد ابد

ياقلبي والله انك طيبه وحبوبه الله يرزقني بخاله مثلك

اتصلي عليها واسئلي غن اخبارها واسئلي عن اهلها

واعزميهم ليله على عشا او غدا ان جات جات وان ماجات بكيفها

لكن ولدك يكون قوي شخصيه معاها يوم بالاسبوع يقول لها ياللا نسلم على اهلي واذا تعذرت يقول

اجل بكره نروح اذا شافت شخصيته قويه بتهابه وتتغير معاك

انتي تعرفين هل شخصيتها اجتماعيه اولا ؟
مو لازم انها ماتجيك يعني ماتبغاك 
انا مثلا اكره الزيارات طبع فيني يعني استحاله كل اسبوع اطلع 
وانا انصحك لاتشدين عليها ولاتشرهين عليها اهم شي ولدك وهي متى ماتبغى تجيك حياها هذا الشي اللي بيحببها فيك واصلا لو حست انكم مثل اهلها بتنكسر الحواجز 
الملكه امكن عندها ظروف منعتها تسوي وماتبغى تقولها ماتدرين ايش عندهم ماتوقع قصدها شي ثاني