موضوع حلو إنشالله الكل يستفيد منه ..
فكرته إيجاد البدائل ..
يعني إذا كان ماعندك هذا الشي تستعملين هذا الشي .. وهكذا ..
أظن الفكـــــــره وصلت ..
حلو الموضوع بس نبي تفاعل مع بعض ..
بحيث إن الكل يشارك ويضيف إللي عنده ..
السبراي أو مثبت الشعر :
إذا ماعندك سبراي بالبيت , خلّص وعندك بلحظتها مناسبه , ممكن تستعملين
بداله (محلول الماي والسكر ) ذوبي سكر بماي وكمية السكر شوي أكثر
وحطيه بعلبه ورجيه زين .. وإستعمليه ..
ممكن تحطينه بعلبة رش حتى تستعملينها بسهوله .
البنج :
ماعندك بنج بالبيت ولارحتي للصيدليه .. ومحتاجته مثلاً للمنطقه الحساسه
ممكن تستعملين معجون الإسنان أو (محلول الماي والمسمار المطحون - إللي هو القرنفل)
أو (محلول الماي والبنادول ) وراح يحل محل البنج إنشالله .. وبيخف الألم كثير
فقط إمسحيه على المكان مسحه خفيفه وإتركيه لما يجف ثواني
وإبدي شيلي بالشمع ولا الحلاوه .
المُقشر :
ماعندك مقشر حلو مثل مقشر المشمش .. المعروف والمشهور بفعاليته ..
ممكن تستعملين بداله .. الملح أو السكر أو القرفه مع زيت الزيتون وراح تكون النتيجه
أكثر من حلوه إنشالله .
الجل أو الموس (الرغوه ) :
نفسك بتجعيده محترمه .. تقدرين تستعملين عصير الليمون الطازج
أو العصير المُعلب (الربيع .. مثلاً ) ..
فيه ناس يستخدمون سفن آب أو بيبسي ..
و الموضوع ومافيه .. عشان تحصلين على شعر مجعد لازم يتوفر
شيئين : سائل أو ماده تكون تحتوي على السكر بكميه عاليه تساعد خصلات الشعر
إنها تتشكل وتصير لولبيه وتثبتها , ومجفف شعر ..
ماعندك مجفف شعر , ممكن تحطين المحلول وتوزعينه على كل الشعر
وتبدين تقلبين شعرك وتحاولين تحركينه بأصابعك قد ماتقدرين وتتركينه يجف ..
مُزيل المكياج , ومُثبت المكياج :
إستعملي زيت الزيتون لإزالة المكياج .. آمن لدرجه فظيعه ..
غير كذا يفيدك بموضوع التجاعيد .. وبذات حول العين ..
أما مثبت المكياج عندك ماي الورد خطير وإذ كان مكعبات مثلّجه بيكون أحلى وأحلى ..
إذا لقينا تفاعل .. بضيف لكم أشياء جديده وحلوه ..:)
ام ماسه @am_mash
كبيرة محررات
يلزم عليك تسجيل الدخول أولًا لكتابة تعليق.
رووووووووووووووعه رووووعه
بصراحه مشالله عليكي من جد استفدت كثيييييير
انا وخواتي الله يوفقك دنيا واخره يالغلااااااا
تااااااابعي ومن قلب بعد
بنتظاركــ
بصراحه مشالله عليكي من جد استفدت كثيييييير
انا وخواتي الله يوفقك دنيا واخره يالغلااااااا
تااااااابعي ومن قلب بعد
بنتظاركــ
الصفحة الأخيرة
في عندك بعد لازالة المكياج زيت الاطفال بيبي جونسن صراحه حلو وينعم البشره ويشيل
كل المكياج من الوجه 00
ولي عوده