مالقيت عنوان للموضوع مثل حياتي !!

أحيان أفكر بحياتي اللي راحت كلها ..وسأل روحي ..أنا ليش أنتظر لين يتعدل زوجي ولا الله يهديهيمكن ما يصير هالشيء و يضيع آخر عمري هباء زى ما ضاع أوله ..تعبت من االي يقولون : ألبسي و تمكيجي و صلحي له وسوي له ويجيك .. كلش سويت وهو على حاله هاجرني له فوق السنه .. بدون سبب يذكركثير حاولت أفهم منه آي مبرر لتصرفه هذا ومالقيتلدرجة ترجيته ترجي عشان يعطني سبب كل اللي قال : ( بس كذا ) عيالي .. آه ياعيالي الشيء الوحيد اللي كاسر ظهري .. شلون أخليهم له وروح عنهم .. شلون بصبر عنهمأهلي مايبون عيالي صح أنهم يحبونهم لكن طبيعة البزران المزعجه تنفر آي شخص .. مع أني أكلمهم وأحاول أفهم لكن أذا لعبوا يزعجون وأهلى مافي أطفال ببيتهم أصغر شخص عمره ٢٠ سنه هناك ..زعلت مره و أخذت قشي وحلفت ما أرجع أبدالكن أبوى أتصل وقال : وأخوى الصغير اللي كنت في بيته لأن أمي عنده وأمي و أبوى منفصلين .. سمعته يقول لأمي :خليه يأخذ عياله منيب فاضي أصرف عليهم ويزعجوني وأذا تزوجت بعدين مارح يكون لهم مكان البيت ضيق ----أمي ترد : أحسن خله يشقي بهم عشان ويرجع أمهم و خذهم وطلعوهم له غصب عنى .. وما قدرت أقول شيء جبروني جبر ..---تقطع قلبي و بنتى تتصل كل يوم تقول تعبت من الشغل وزوجة أبوها تكرفها وتقول : أذا علمت أبوى قال : أسمعي كلامها و هاوشني زياده ..تتصل فديو وهي تبكي وأهلى كلهم أرجعي عشان عيالك ..طبعا بتقولون :الحضانه معاك و يحق لك نفقه و سكن أهلي رافضين السكن لوحدى من سابع المستحيلات و نا مستحيل بعد أخالف كلام أهلى لأنى أحبهموالحضانه لى .. لكن أخوى المفروض يكون سند لىكسرني بكلامه لما قال ماأبيهم ببيتي يما شلته و لعبته وجريت وراه يوم كنا أطفال ولما كبر و كبرت و أحتجته دار ظهره لى مع أنه يملك منزل و شقتين فوقه لكن رفض أسكن بوحده منها .. أخي الآخر صدق عيلته كبيره جدا ماشاءاللهوبيتهم دور واحد صغيروأبوى متزوج وعنده أولاد و ساكنين معه أولاده المتزوجين بعد .. زحمه فوق زحمه ..رجعت .. بهمي و ضيقتي بحقوق مسلوبه لازال هاجر لىالمصروف ماأحصل عليه أبدمره يجيب و عشره تاركنى كذا بدونحتى في رمضان مايدخل على البيت عود كبير أغلب أغراضي من الصدقات ولا من أهلى ..ولدى الكبير عمره ١١ سنه الآن بصبر يعنى لين يكون عمره ٢٠ و أطلب الطلاق ..وعيش مع ولدى صار رجل ولا حد له كلمه على يمكن أموت قبل ذلك .. يا حسافه عمري اللي مضي واللي جاي ..ترجيته كثير يطلقنى و يعطنى الحضانه وراح نكون متفاهمين وعمري مااراح امنعه عنهم بااي وقت يبيهم فيه " لكن رفض " رفض أزور أهلى الا كل ٣٠ يوم أو حتى أني أطلع أزور أحد من أقاربي يقول " أجلسي في البيت " مو لازم تروحين ضاق صدري وأحس الهم بدئ يأكل فيني والكل يطلب منى الصبر ..أصبري بكره بيتعدل !!أصبري لين يكبرون عيالك !!طيب ممكن أموت قبل ذلك ، عمري اللي أخسره وش صار عليه ..كثير أفكر بالأنتحار لكن أخاف الله و أتراجع الوحده تنهش بعظامي .. والهم أحس بطرقي مسرعه للأكتئاب نفستي محطمه جدا .. جدا