مالقيت نهاية ولا حل ولا اي شي 💔

السلام عليكم ورحمة الله وبركاته

اخواتي بالبداية في موضوعي هذا اللي عندها نصيحة او دعوه حلوه تقدمها جزاها الله خير
واللي بتدخل تتفلسف وتطول لسانها تطلع برا لاني في وضع نفسي مايتحمل اي سخافات !

انا متزوجة لي ثمان سنين وربي رزقني ببنت عمرها الان خمس سنوات الله يحفظها لي
حياتي الزوجيه كلها خيانه وكذب ومشاكل ماتنتهي
والعوض من ربي في اللي راح من عمري في بكى وحزن ودموع
مشكلتي اللي الى الان ماني عارفه القى لها حل مع زوجي هي الشك المستمر بسبب او بدون سبب
لاحول ولاقوة الا بالله فقدنا الثقه ببعض بشكل غير طبيعي وساءت الحياه بيننا وكثرت المشاكل
ع ابسط الامور واتفهها نزعل انا ماتحمله وهو مايتحملني
فكرنا بالانفصال مليوووون مره بس فيه شي سبحان الله مع كل مشكله يمنعنا
تولع بيننا شرارة غضب توصل لسابع سماء وفجأه ينطقي كل شي ونرجع عادي !
اسبوع نهدأ واسبوع مانكلم بعض
وغير هذا حياتي الزوجيه معاه انطفت صرت بارده ولا افكر فيه لو يمر علينا شهور ماافكر
وصرت الاحظ عليه تصرفات غريبه لها تفسير واحد اما يعرف غيري وهذا شي انا عرفته قبل خمس سنين والشهاده لله ماعاد فكرت ادور وراه واحاول اعرف اذا يكلم بنات او لا لانه حلف ع المصحف انه بطل ذي الحركات وانا صدقت لانه حلف على كتاب الله
او انه يشوف مواقع اباحيه والعياذ بالله
طبعا انا اعترف بتقصيري معاه والشيء هذا غصب غصب غصب عني اذا صرنا ببيتنا وقرب مني اقسم بالله اتمنى ان الارض تنشق وتبلعني ودي اصرخ ودي ابكي احس بضيق بنفسي م اقدر اتحمله ولا ابغاه يلمسني اجلس محروقه بداخلي لحد ماينتهي
اما اذا سافرنا وطلعنا من البيت الوضع معاه عادي ماتجيني نفس الحاله
انا ببيتي طول الوقت متضايقه وتعبانه واصارخ على اتفه شي والنوم محرومه من الراحه فيه تعبت كثير تعبت ودي اطلع من شقتي بس للاسف رافض بحجة انه مايقدر يستأجر ويبعد عن اهله
نفسيتي جدا جدا تعبانه اتدمرت وتعبت
ولا ابغى اطلب الطلاق لانه تغير معاي
بس انا عايشه في مشاكل الماضي وجروحها مو قادره انسى الذل اللي عشته بسببه
ساعدوني بنصيحة او بدعوه لاختكم في ظهر الغيب