مالقيـــــــــــت لقصتي عنوان.......محتاجتلكم

السسسسسسسسسسسلام عليكم ورحمة الله وبركاته....

وحشتوني موووووت يابنات حواء انا ليا فتره عن المنتدى وحقولكم الحين قصتي واتمنى تفيدوني

انا كنت دااااااايما موجودة بقسم تاخر الحمل وكنت اتمنى اليوم الي اجيب فيه طفل عالدنيا ومررررررره تعبت نفسيتي

من هالموضوع مع انه ليا بس سنتين تعرفون كلام الناس ونظراتهم وبعد فترة علاج

الحمممممممممممد الله ربي رزقنــــــــــي وحملت بس للاسف فرحتي كانت ناقصــــــــه وماحسيت بطعمها

لانه زوجي وآآآه بس من زوجي كان مساااافر ولما دقيت اخبره والله كني اقله خبررر عااااادي مره تفاجاءت

توقعت يرجع بسرعه مارجع الابعد اسبوعين قلت يمكن تبان فرحته لما اشوفه

تخيلـــــــوا رجع الشقه من غير مايقلي ولاحتى اتصل فيني وانا عند اهلي ماادري انا بالصدفة رحت انظف البيت

لقيييييته صدمــــــــة عمري

قلت له: ليه ماقلت لي قال مالــــــه داعي..... كبرت راسي ومشيتها تخيلوا حتى كيفك ماقال ولاحتى مبروك حسيت

بغصه فحلقي لهالدرجه ماهمه لهالدرجه مااشتاق لي بهالفتره انا الحييييييين وضعي غير

فبطني طفل منه طب عالاقل شوية اهتمام وييييييين نظرة الحزن والحرمان قبل مااحمل كله هاذا راح تبخر فالجو

صبرت كم يوم الرجال كني ذابحه احد من اهله سالته وش فيك وش صاير قال مالي خلق اتكلم

والله ماهي عيشه هاذي انام لوحدي اكل لوحدي اتفرج تلفزيون لوحدي ماكني متزوووجه يحب يجلس لوحده

ولما اتكلم بقول بالعه مسجل وحتى لما اكشخ والبس يقلي وين بتروووحين......؟؟
حتي روحتي لااهلي للسوق كل مشاويري مايوديني الا اهلي اجل وشولة متزوجــــــــه ابفهم بس

عجزت القى حل معاه بااااااااااااارد من كل النواحي وبروده يذبحني انا الحين بالشهر السابع ورب المصحف

ماحسيت بفرحة حملي ولا بطعمه كله منه حسبي الله ونعم الوكيل قتل الفرحه فقلبي

مواعيد المستشفى يقول مالها داعي واولدي فالبيت زي امي وييييييين احنا تخيلوا انا توى داخله 20 سنه وبدري عليه اتحمل

كل هاذا منه وش سويت انا عشان يعاملني كذا

غيرت اسلوبي معاه مافي نتيجه صرت اتغلى واتدلع زااااااد لامباله صرت اقسى وابعد زاااااااد جفا

صرت اروح لااهلي بالكم يوم ولاكني خرجت من البيت مو حاس بولاشي لاغيابي لاوجودي

حتى لما انام جنبه يديني ظهره وانا بعز كشختي واناقتي هاذا وش معناه اقلبي وجهك ماابيك

صرت اقله تعال نجهز شوية اغراض للبيبي زي اي وحده تبي تفرح بااول مولود يقولي بدددري مو وقته

غير متفاءل مافيه طمووووووووح حسسني بالاحباط قتل فيني كل شي

كل مااحد يسالني جهزتي شي عيوني تتملى دموع وش اقول تخنقني العبره ماكنه كان يحللللللم بهاللحظه

وكان فكل كلامه يفتح معاي هالموضوع ويييييين نظرات الاتهام ويييييين الجرح بالكلام

والحين بعد ماحملت قتلوا الفرحه بقلبي يجلس بالايام مايتكلم مو زعل ولاشي بدون اسباب اساله اشفيك

يقلي مالي خلق اتكلم حتى الخميس ينام 9 يكرة نخرج يكرة اسولف يكره التغير كلها حياتنا روتين بروتين

مع انه عمره 29 بس تصرفاته كنه واحد عمره 70 سنه وكاره الحياه تعبت تعبت والله جربت معاه كل الاساليب
مافي فايده مره اقول الضرب فالميت حراام ومره اقوول

يمكن مع الايام يتغير بس انا شايفه مامنه رجاء وخايفه على مستقبلي معاه كل شي فيني متغير من يوم عاشرته
انا بعد كم شهر راح اصير ام بااذن الله

تتوقعون الي مانجــــــــــح كزوج راح ينجـــح كــــــا أب ......؟؟؟

انا نفسيتي تعبانه مع الحمل والله مااتحمل كل هالضغوطات ومااتحمل زعله وتطنيشه ليا ولاكني موجوده

ابي حقوقي كاامراءه مو طالبه شي فوق طاقته انا

ابي كلمة حلوة ابي سؤال اهتمام ابي حقوووووووقي تعبت اتجاهل واقول كل الرجال كذه وكل واحد ياخذ نصيبه

تعبت اضحك وفعيوني الف دمعه ليييييش وش ذنبي انا اتحمل كل هاذا وياليت فيه تقدير حتى في اقل حق مقصر معاي

حق اي امراءه على زوجها ///// حق الفرااااش/// وش باقي اكثر من كذا

هل فيه امل انه يتغير والي حالتها قريبه من حالتي تفيدني تكفوووون ابي مساعدتكم

من فرج كربة عن اخيه المسلم فرج الله عنه كربة من كرب ايام القيامه

والي بترد وتقول اصبري واحتسبي وطنشي تخلي ردها لنفسها انا ابي حـــــــــــــــــــــل لمشكلتي ....

بانتظار ردودكم...مجروحه