مالكم امان ياالرجاجييل

:39:مبارك عليكم الشهر خواتي
حبيت احكي لك قصة بنت من هلي باختصار اللي توها صايره قبل اسبوع
البنت الي من هلي جميله وزوجها قبل لا يتقدم لها شافها واعجب فيها وحارب الدنيا عشان ياخذها طبعا كلهم من الاهل
وتزوجها وانجبت له بنتين الله يحفظهم ولهم للان عشر سنوات معرسين لكن زوجها راعي مشاكل مع الكل وانسان متعصب.
لكن عاشت معاه الحلو والمر والحمدلله ماشي حالها صادف انه تهاوش مع اهل زوجته ابوها وامها على الورث واشياء غير كانت المشكله الصيف الي راح ولهذا الصيف وهو شايل حقده على اهلها وقالهم ببرد حرتي ببنتكم.

اهلها في قطر والبنت في البحرين كانو جايين عشان كانت اختها الثانيه بتربي يعني جايين لفرحه لكن زوج البنت عنده ارض في دوله مجاوره فقال لزوجته عليها مشاكل جيب لي فلوس عشان اسافر ابنيها المسكينه عطته وتعاطفت معه لكن بداخلها احساس غريب لان الزوج قالها السفره هذي احسها غير حلوه المهم سافر الواطي
عشان يبني الارض بعد اربعة اياما تصلت لها صاحبتها قالت الحقي على زوجك خطب اختي انا مو راضيه بس اذا تقدري تلحقي عليه الحقي .
تفاجات المسكينه وانهارت والمشكله الي خطبها من الاهل حسبي الله عليكم.
المهم مسوي روحه رجال وقال بردت حريتي في ابوها وامها حرقت قلبهم ببنتهم.
حرمها من ابسط حقوقها ودراستها وكله يقول ظروفي صعبه وضاقت المر منه
ياربي في شهرك الكريم انك تاخذ حقها منه .
ودعاتكم لها.
الجبان لو ورجال ماكان تزوج بدون مايقول لها