ماللبكاء..والهم والحزن داعي..لخلف بن هذال

ما للبكـاء والهـم والحـزن داعـي
صدّقت من قال المحبـه .. ولاعـه

ما خذت مدّه يصبح الصبـح واعـي
والعين ما نامت . من الليـل ساعـه

عليـك يـا راع العيـون الوساعـي
سبيت عقلي .. بالدلّـع و البراعـه

القلب مالـه غيـر لامـاك راعـي
ارعه رعاك الله عـن كـل راعـه

لاماك ترجـع بالقلـوب الوجاعـي
أنت الطبيـب ولا طبيـب الإشاعـه

مليـح يخشـى مـن كـلامٍ يذاعـي
يظفي على نظـم الجواهـر قناعـه

جـذّاب نهّـاب إلخـده شعـاعـي
أغليه واسرف فيه سـر والقطاعـه

يلعب بقلبي لعـب صفـرا رباعـي
سمعت طبول الحرب يوم ذالشجاعه

يلعب و يلعب لعب وأمره مطاعـي
لعب الرضيع إليا روي من رضاعـه

لو الهـوى عنـد المحـرج يباعـي
بعته مثل حـيّ زهـد بـه وباعـه

بغظك رميته بيـن سبـع السباعـي
وحبك زرعته في ضميري زراعـه

كانك قطوع وعندك السـر ضاعـي
رد الوداعـه لا تضيـع الـوداعـه

و إن كان ناسي لك خصيـم يداعـي
إذكـر زمـانٍ فيـه كنـا جمـاعـه

المشتري إليا اشتـرى مـا يراعـي
اللي يرعـي مثـل راع البضاعـه

متـى ايهيـا للثنـيـن اجتمـاعـي
و نسكب على شهوات الأنفس طماعه

حالي من الهجران راحت ضياعـي
لكن فـي الـروح الشقّيـه مناعـه