وانا اقول انو البيت الوسط احلى يكون مثلا غرفه للاولاد وغرفه للبنات من غير المجالس والحمامات والمطبخ والصاله كذا تمام ابيت الكبير مره ماايده كبري بالغرف وكل واحد يحط اللي يبغاه بغرفته

اشوف الاغلبيه ايدو البيت الوسط بس مدري ليش احس البيوت الكبيرة احلى واريح بس يا بنات ما تكلمتو عن تجاربكم انتو مرتاحين ولا تمنيتو مساحه اكبر ؟؟نحن ما نريد اجابات مثاليه نريد واقع عيشتوه عشان نفيد غيرنا حتى لوحده ذكرت تجربتها وعيشتها بمساحه صغيرة وكبف تكيفت مع الموضوع اعتبرو الموضوع دردشه في تجاربنا مع بيوتنا وامنياتنا واحلامنا وهل في المستقبل شو اللي ممكن نعدل فيه ببيوتنا انا عن نفسي قريبا بسوي مطبخ خارجي بس داخل بالمطبخ الحالي من برع بس مادري اذا البلديه تسمح التغييرات لانها اساسا مو موجوده بالخارطه الاصليه بس الله يسهل
تعرفو كنت اتمنى اشتري بيت قديم واعدل فيه البيوت القديمه واسعه ونا اموت بالمساحات الكبيرة الواسعه بس زوجي رفض نهائي بني بيت جديد بس مثل ماذكرت سابقا في بعض الاخطاء وبعض الهفوات

طيب اختي في رايك كم مساحته الكبير اللي معجبك ؟ انا اشوف الارض المتوسطه هي اللي مساحتها 900 الى 1000 ممتازه مره والكبيره من 2000 واكثر انتي وش تبين مساحتها ؟؟

هلا لمعه انا مساحة بيتي الحين 650 وطبعا بنينا تقريبا كله ما خلينا الامساحه بسيطه كحوش وباركنج لسياراتنا انا اقصد مساحة 900 و 1000 تعتبر حلوة وممتازة

حلو البيت الصغير مرتب وسهل وتكون الديكور حلو زي الفيلا واذا بيكون كبير حلو يكون دورين

لان موحلو تدخلي البيت الصاله كبيره كانك داخله صالة افراح ومع الاناره الصفرا غصب بتقولين خير اللهم اجعله خير!!!!